Shveytsariyaning Non shahrida Evropa Chempionlar ligasining 1/4 va 1/2 final o`yinlariga qur`a tashlandi. Qur`aga ko`ra"Milan" va "Barselona" jamoalari chorak finaldayoq o`zaro duch keladigan bo`lishdi.

Chempionlar ligasida "sensatsiya" ko`rsatayotgan Kiprning APOEL jamoasi "Qirollik klubi"ga qarshi bahs olib boradi. "Sensatsiya"lar seriyasi davom etadimi yoki yo`qmi? Kuzatamiz. So`nggi o`yinlarda katta tezlik olayotgan va finalga chiqishga katta da`vogarlardan biri sanalgan "Bavariya" jamoasi Frantsiyaning "Marsel" jamoasi bilan kuch sinashadi. O`z asliga qaytayotgan "Chelsi" esa "Benfika" to`sig`idan o`tishi kerak bo`ladi.

Qur`a natijalari bilan tanishing:

APOEL (Kipr) – «Real Madrid» (Ispaniya)

«Marsel» (Frantsiya) - «Bavariya» (Germaniya)

«Benfika» (Portugaliya) – «Chelsi» (Angliya)

«Milan» (Italiya) – «Barselona» (Ispaniya)

APOEL va "Real" bahsi g`olibi yarim finalda "Marsel" va "Bavariya" bahsi g`olibi bilan uchrashadi. "Benfika" va "Chelsi" o`rtasidagi o`yinda g`olib chiqqan jamoa "Milan" yoki "Barselona" jamoalaridan biri bilan finalga chiqish uchun bellashib ko`radi. Qur`aga yaxshilab e`tibor qaratadigan bo`lsangiz, finalda "El klasiko" ko`rishimiz uchun barcha narsa "muhayo". Faqat bunga "Milan", "Chelsi", "Bavariya" kabi jamoalar "rozi" bo`lisharmikan?

1/4 finalining dastlabki uchrashuvlari 27 va 28 mart kunlari bo`lib o`tadi. javob uchrashuvlari esa 3 va 4 aprelga mo`ljallangan. Yarim final uchrashuvlari 17-18 aprel, javob o`yinlari 24 va 25 aprelda bo`lib o`tadi.