ЖЧ-2014 саралаши, плей-офф жавоб учрашуви - Ўзбекистон ҳамда Иордания миллий терма жамоалари ўртасидаги ўйин чипталари 5 сентябрь куни сотувга чиқарилади.
ЖЧ-2014 саралши, плей-офф жавоб учрашуви - Ўзбекистон ҳамда Иордания ўйини чипталарини 5 сентябрь кунидан бошлаб ўйин бўлиб ўтадиган «Пахтакор» стадиони кассаларидан харид қилишингиз мумкин. ЎФФ терма жамоалар маркази берган маълумотга кўра, ўйин чипталари 4 тоифа - 20 000 сўм (3-тоифа), 25 000 сўм (2-тоифа), 30 000 сўм (1-тоифа) ҳамда 35 000 сўм (СИП) қилиб белгиланган.
Шунингдек, Фарғона вилояти футбол мухлислари учун алоҳида чипталар ажратилган бўлиб, уларни жорий йилнинг 3 сентябрь кунидан Фарғона вилояти Футбол федерацияси биносида сотиб олиш мумкин бўлади. Вилоят футбол федерацияси Б. Марғиноний кўчаси 58-уйда жойлашган. Алоқа учун телефон рақами: 244-56-80.
Эслатиб ўтамиз, ЖЧ-2014 саралаш плей-офф жавоб учрашуви 10 сентябрь куни Тошкентдаги «Пахтакор» стадионида бўлиб ўтади. Ўзбекистон ҳамда Иордания миллий терма жамоалари ўртасидаги плей-оффнинг дастлабки ўйини эса, 6 сентябрь куни Иордания пойтахти Амман шаҳрида ўтказилади.
