 Венесуэла полицияси Колумбия билан чегара ҳудудда 10 нафар одамнинг жасадини топди. РБКнинг хабар беришича, бу ўйинчилар Колумбиянинг Лос Манисерос шаҳри жамоаси шарафини ҳимоя қилишган. Уларнинг барчасини икки ҳафта аввал ўйин вақтида ўғирлаб кетилганди.
Венесуэланинг Такира штати бошқарувчиси Леоманьо Флореснинг таъкидлашича, битта ўйинчи – 17 ёшли Мануэль Кортес – бир амаллаб тирик қолган ва бўлиб ўтган воқеа ҳақида гапириб берди.
Унинг сўзларига кўра, ушбу қонли жиноят ортида Колумбиянинг сўл экстремистик кайфиятдаги қандайдир “Масхарабоз” лақабли “партизан” бошқарадиган ELN ташкилоти (Миллия озодлик армияси) турибди.
Эслатиб ўтамиз, футбол стадионига ҳужум 11 октябрь куни уюштирилган. Номаълум шахслар майдондан бутун жамоани, шу жумладан Венесуэла ва перулик легионерларни ҳам ўғирлашган. Хабар беришларича, жиноятчилар майдонга келиб, учрашув ҳакамидан “Лос Манисерос” жамоаси учун кимлар тўп сураётганларни кўрсатишни талаб қилишган. Шундан кейин футболчилар номаълум йўналишда олиб кетилган.
Ушбу жиноятнинг сабаблари полиция томонидан ҳали аниқланганича йўқ. Ўйинчиларни мажбуран ўз гуруҳларига жалб қилмоқчи бўлишган, деган таҳмин ҳам йўқ эмас. Бошқа бир версияга кўра, ELN бу иш билан ўз кучини кўрсатиб қўймоқчи бўлган. Ушбу гуруҳ авваллари ҳам ўзининг оқлаб бўлмайдиган шафқатсизлиги билан кўзга кўринган эди.
|
