|
Dardim bilmay,xor bo’lgan,
Ko’ngil ishi tor bo’lgan,
Qismati ozor bo’lgan..
U mushfiq onam edi..!
Mehrin arzonga sotgan,
Yillar uzlatda qotgan,
Diliga armon botgan,
U mushfiq onam edi..!
Munis yuzli xolsizim,
Dildan yakto yolg’izim,
E voh..bugun jonsizim..
U mushfiq onam edi..!
Otam o’lgach parishon,
Birortayam ko’rmay shon,
Men-chun yashagan ishon,
U mushfiq onam edi..!
Ne qildim men uning-chun,
Qalbin aylolmay butun..
Yig’lab sog’indim bugun..!
U mushfiq onam edi..!
Qaro tunlar qalbini,
Bergan menga sehrini,
Kech bildim men qadrini..
U mushfiq onam edi..!
Diydorimga zor bo’lgan,
Yillar ichra hor bo’lgan,
Bu hayotga tor bo’lgan,
U mushfiq onam edi..!
Ayo hikmatdan tushgan,
Mehr-la boshim quchgan..
E voh so’nggi kunlarda..
Qo’llarimdan suv ichgan..
U mening onam edi…!
Erkin o’g’li ko’z ilgan,
Mozor ichra qazilgan,
Mehvarida…bitta so’z..!
O’g’lim..debon yozilgan..
U onam qabri edi..!
U onam qabri edi..!
Muallif: EL_SHaFeY
|
