Toshkentda 62-avtobus chiptachisi
yo‘lovchi ayolni so‘kdi va urdi.
Boshqa yo‘lovchilar esa
tomoshabin bo‘lib turdi. Bu haqda
jabrdiyda yo‘lovchining o‘zi
Facebook’dagi Potrebitel.uz
guruhida xabar qoldirgan, deb
ma’lum qildi “Kun”.
Ayolning so‘zlariga ko‘ra, u 21-
oktabr, seshanba tonggi soat 6:36
dan 7:50 gacha o‘ziga kerakli
avtobusni kutgan, avtobus
kelganidan so‘ng chiptachiga pul
berayotib, avtobus qaysi jadval
bo‘yicha harakatlanayotgani
haqida savol bergan.
Ayolning qayd etishicha, u savolni
xotirjam va qo‘pollik qilmasdan
bergan, biroq chiptachi
asabiylashib, unga baqirib bergan.
Ayolning, yana xotirjam holatda:
“Nega men bilan bunday
gaplashyapsiz?”, — degan
savolidan so‘ng, chiptachi ayolga
qo‘l ko‘targan.
“Bilasizmi, hammasidan ham
butun avtobusning jim
o‘tirganidan xafa bo‘ldim. Faqat
yonimda o‘tirgan 8—9-sinflarda
o‘qiydigan qizgina men
chiptachiga muloyim va aniq
gapirganimni tasdiqlab turdi. Juda
yoqimsiz holat”, — deb yozadi
jabrdiyda yo‘lovchi.
Kaltak yegan ayol chiptachining
o‘zini suratga olishga harakat
qilganida u eng yaqin bekatda
tushib, “qochib qolgan”. Shundan
so‘ng ayol ushbu holat haqida
“1062” ishonch raqamiga
qo‘ng‘iroq qilib, shikoyat bildirgan.
|
