Tohir Sodiqov

Tohir Sodiqov 1973 yil 1 iyul kunida Toshkent shahrining markazi Eski shaharda tavallud topgan. 1980 yildan 1990 yilga qadar 41-o'rta maktabda 1-sinfdan to 11-sinfgacha tahsil olgan. 1989 yilda esa, "Bolalar" guruhi tashkil etilgan. Tohir Sodiqov uylangan, 3 farzandning otasi. Otasi vafot etgan, onasi esa uy bekasi.

Bevosita xonandaning ijodiga to'xtaladigan bo'lsak, shu davrgacha uning 300 ga yaqin qo'shiqlari bor. Shulardan 10dan ziyodiga klip suratga olingan. Albomlari soni 28 ta. "Bolalar" guruhi shu kungacha minglab sovrinlar egasi. Shular qatoriga, "O'zbekiston Respublikasida xizmat ko'rsatgan artist", O'zbekiston Respublikasi Prezidenti I.A. Karimov tomonlaridan ta'sis etilgan "Nihol" mukofoti hamda "Tarona" mukofotlarini kiritish mumkin. Diplom va sertifikatlar soni esa 500 ga yaqin. Gastrol safarlariga keladigan bo'lsak, yiliga o'rta hisobda 60tadan deb hisoblasak shu kungacha 1000dan ortiq gastrol safarlarini uyushtirgan. "Bolalar" guruhi Vatanimiz, Ona yurtimiz O'zbekistonning barcha yerlarida konsert dasturlarimiz bilan ishtirok etgan.