Android operatsion tizimida ishlaydigan qurilmalar uchun dasturlar do‘koni — Google Play’da ayni paytda o‘zbekistonliklar orasida eng ommabop bo‘lgan dastur Telegram ekanligi ma’lum bo‘ldi. Yurtdoshlarimizning bir paytlar sevimli bo‘lgan WhatsApp’i esa Telegram’dan keyingi ikkinchi o‘ringa tushib qoldi.
Google Play’da o‘zbekistonliklar tomonidan eng ko‘p yuklab olinayotgan bepul dasturlar
Google Play’da o‘zbekistonliklar tomonidan eng ko‘p yuklab olinayotgan dasturlar
Eslatib o‘tamiz, WhatsApp so‘nggi kunlarda texnik muammolarga duch kelgani sababli o‘zbekistonlik WhatsApp foydalanuvchilari ommaviy tarzda Telegram dasturiga o‘tishni boshlagan, texnik nosozliklar haqida WhatsApp rasmiy tvitteri ham xabar bergan edi.
WhatsApp’dan Telegram’ga migratsiya ayniqsa 8—9-noyabr kunlari kuchaygan. Telegram rasmiy tvitteri ham juda ko‘p o‘zbekistonliklar Telegram’ga a’zo bo‘layotganini tasdiqlagan edi.
Google Play’da o‘zbekistonliklar tomonidan eng ko‘p yuklab olinayotgan bepul dasturlar qatoridan Viber, Skype, Mail.ru Agent va WeChat messenjerlari ham o‘rin olgan.
