28 ёшли спортчи Росс Эджели экстремал таржриба ўтказди: у 24 соат ичида 11 кг вазндан халос бўлишга муваффақ бўлди.
Шунингдек, у бел айланасидан 10 см га яқинини ҳам йўқотган. Атлет ўзининг озиш усули хавфли ва ёқимсиз эканини қайд этади.
Спортчи иложи борича кўпроқ суюқлик йўқотишни мақсад қилган экан. Ушбу экспертментни шифокор назоратисиз такрорлаб бўлмайди. Даставвал Росс иссиқ тузли ванна қабул қилади ва бунда оз миқдорда диуретикли сувдан ичади. Шу куни Эджели рационига умуман туз киритмаган, чунки у организмда сувни ушлаб туради, деб ёзади "The Daily Mail”нашри. Кейин спортчи терлаш учун саунага ва ундан сўнг спортзалга борган. Ушбу ҳаракатлар давомида у ҳеч нима ичмаган.
Юқоридаги процедураларни бажарган Эджели бир суткада 11 кг ташлашга ва бунда тетик бўлиб қолишга муваффақ бўлган.
Организмнинг бундай сувсизланиши қайғули оқибатларга олиб келиши мумкин, чунки суюқлик барча ҳаётий муҳим органларнинг нормал фаолияти ва қоннинг керакли ҳажмини сақлаб туриш учун зарур. Шифокорлар бундай экстремал экспериментларни такрорлашни қатъиян тақиқлайди.
