SOG`INMAYSIZMI?

O`zin ko`z – ko`z qildi bahor ziynati,
Gullar atrin sochdi, sochilmaysizmi?
Sizni ko`rmoq istab, ko`zim izladi,
Ayting meni sira sog`inmaysizmi?

Nahot, mumkin meni shuncha ko`p ayblash,
Shuncha ko`p ayblashdan og`rinmaysizmi?
Yo`llarni berkitgan g`azabmi, araz,
Ayting meni sira sog`inmaysizmi?

Bir – birin pinjiga kirmoqda qushlar,
Erkangiz edim – ku xotirlaysizmi?
Men haqda ko`rib ham bir shirin tushlar,
Ayting meni sira sog`inmaysizmi?

Aybsizligim, balki bilarsiz, kelib,
Endi kechirmoqqa botinmaysizmi?
Gina joningizga ketmasmi tegib,
Ayting meni sira sog`inmaysizmi?

Bahor kelganida yurib teskari,
Qishning quchog`iga otilgaymizmi?
Sevgim ortayotir sog`inganim sari,
Ayting meni sira sog`inmaysizmi????

GavharShodA