Главная » 2014»Октябрь»1 » Smartfonlarni zaryadlay oladigan braslet yaratildi.
00:39
Smartfonlarni zaryadlay oladigan braslet yaratildi.
O‘zida quvvatni saqlay oladigan va iPhone hamda Android qurilmalarini quvvatlay oladigan brasletlar yaratildi. Bu haqda Mashable nashri xabar berdi. Bu gadjet QBracelet deb nomlanadi va uni ayollar ham, erkaklar ham taqinchoq o‘rnida taqib yurishlari mumkin. Brasletda Android qurilmalarni zaryadlash uchun USB-kabel yoki iPhone smarfonlarini quvvatlashda ishlatiladigan Lightning kabeli mavjud.
Zaryadlagich-brasletda litiy-ion batareyasi o‘rnatilgan va u smartfon batareyasini 60 foizgacha quvvatlay oladi. Brasletni o‘zini to‘liq quvvatlash uchun 90 daqiqa sarflanadi. Undagi zaryad esa 30 kungacha saqlanadi. Shuningdek, braslet displeyi orqali unda qancha quvvat borligini ham ko‘rish mumkin. Ko‘pchilikni, ushbu baraslet qizib ketmaydimi, degan savol qiziqtirishi tabiiy. Loyiha muallifi Alessandro Libanining so‘zlariga ko‘ra, gadjet haddan ziyod qizib ketish xavfidan holi, biroq smartfonni quvvatlash paytida uning harorati o‘zgarishini sezish mumkin. Ammo u foydalanuvchiga noqulaylik keltirib chiqarmaydi. QBracelet qurilmasini 79 dollar evaziga oldindan buyurtma qilish mumkin. Gadjet dekabrdan sotila boshlanadi va o‘sha paytda uning narxi 99 dollar bo‘lishi kutilmoqda. Uning qora, kumush va tilla rangli turlari ishlab chiqariladi hamda brasletlar suv o‘tkazmaydigan bo‘ladi.
