Главная » 2014»Октябрь»23 » Smartfonda suratga olingan matematik misollarni ishlab beradigan mobil dastur yaratildi.
17:04
Smartfonda suratga olingan matematik misollarni ishlab beradigan mobil dastur yaratildi.
Smartfon kamerasidan foydalanib matematik misollarni ishlashda yordam beradigan PhotoMath dasturi taqdim etildi. Bu haqida Phonearena.com sayti xabar berdi.
PhotoMath dasturi faqatgina bosma yozuvdagi misollar suratga olinganda ishlaydi. Ushbu dasturni ishlatish uchun, misolni suratga olish kerak va dastur darhol uning javobini ko‘rsatadi. Shuningdek, misolning necha qadamda va qanday ishlanishini ham ko‘rish mumkin. Dastur kasrlar, arifmetik hisoblashlar, daraja, ildiz va sodda chiziqli tenglamalarni ishlay oladi. iOS va Windows Phone foydalanuvchilari PhotoMath dasturini bepul yuklab olishlari mumkin. Dasturning Android qurilmalar uchun mo‘ljallangan turi esa 2015-yilning boshida taqdim etiladi.
