Главная » 2013»Июль»17 » Real Madrid dunyoning eng qimmat sport klubi deb tan olindi
01:40
Real Madrid dunyoning eng qimmat sport klubi deb tan olindi
Forbes jurnali Real Madrid’ni eng qimmat sport klubi deb e’lon qildi. Bu haqda nashr o‘z saytida xabar berdi.
Forbes Madrid klubining narxini 3,3 milliard dollar miqdorida baholamoqda. "Real” jahon sportida eng katta daromadga ega bo‘lib, 2011—2012-yillarda 650 million dollar ishlagan. So‘nggi uch yil ichida klub kirimi 62% ga oshgan.
Forbes reytingining ikkinchi va uchinchi o‘rinlarini 3,2 milliard dollar bilan Manchester United va 2,6 milliard dollar bilan Barselona futbol klublari band etdi.
Reytingdagi keyingi o‘rinlarni Amerikaning New York Yankees, Bronx Bombers kabi beysbol va futbol klublari egallagan bo‘lsa, yuqori o‘ntalikni Londonning Arsenal futbol klubi yakunladi.
Forbes 1998-yildan buyon eng qimmat sport klublari reytingini tuzib kelmoqda. So‘nggi uch yil davomida unda Manchester United futbol klubi yetakchilik qilib kelgan.
