"Jannat onalar oyog’i ostidadir”.
Bugun shodon davra, bayram tantana,
Barchaning ko’ngli xush dilxush davrada.
Dilimdagi dardim qiynar shunday pallada,
Lekin yig’laganim yo’q onajon!
To’g’ri yoshman ozroq beboshman,
Sizni ranjitgan bir bag’ritoshman.
O’z dardimga o’zim darddoshman,
Lekin yig’laganim yo’q onajon!
Otam yodga tushsa qiynalar jonim,
Sizga boqsam kuyar bu xonumonim.
Necha yildir o’rtanadi jonu jahonim,
Lek onajon yig’laganim yo’q!
Orzularga shunday ko’milib,
Yurgim kelayapti onajon.
Men ham baxtlilarga qo’shilib,
Kulgim kelayapti onajon!
Men ham ko’rdim yaxshi yomonni,
Xor qilmadim dilda iymonni.
Ko’ksimdagi barcha armonni,
Yulgim kelayapti onajon!
Olg’a borib toshqin soylardek,
Oqishlarga kirib boylardek.
Zulmatdan so’ng chiqqan oylardek,
To’lgim kelayapti onajon!
Baxtim kular dedim bir kuni,
So’nib ketdi umid uchquni.
Haqiqat yo’q nega men shuni,
Bilgim kelayapti onajon!
Yurakkinam ezilgan gilos,
G’amga botib qoldimda biroz,
O’pkam to’lib ketdida xolos,
Onajonim yig’laganim yo’q!
Yurmasam ham davronim surib,
Yiqilsam ham o’rnimdan turib.
Ag’yorlarim ko’ziga kulib,
Onajonim yig’laganim yo’q!
Ayting yig’lay yana ne uchun,
Shukr qilay onam bor uchun.
Qora qozon qaynatish uchun,
Onajonim yig’laganim yo’q!
Yolg’iz sizga yolg’iz bolaman,
Shu yo’l bilan ko’nglim yoraman.
Sher yozmasam o’lib qolaman,
Lek onajon yig’laganim yo’q!
Onam aytar: "Yuragimning parchasi,
Sen uchundir mehrimning bu darchasi.
Menga tengdir o’g’il qizim barchasi…”
Men - onamning, onam – mening baxtimdir!
Cheksiz mehru – muhabbat bilan,
Dilshod Imomnazar.
|
