Главная » 2014»Октябрь»21 » O‘zbekistonda Markaziy Osiyoda birinchi quyosh stansiyasi 2015- yilda qurila boshlaydi.
08:45
O‘zbekistonda Markaziy Osiyoda birinchi quyosh stansiyasi 2015- yilda qurila boshlaydi.
“O‘zbekenergo” davlat aksiyadorlik kompaniyasi Samarqand viloyatida fotoelektrik stansiya qurish bo‘yicha tender e’lon qildi, deb yozadi Gazeta.uz.
Tender mahkamlangan qiya burchakli panelli kristall fotoelektrik elementlar bazasida quvvati 100 MVt elektrostansiyani qurib, tayyor holda topshirish uchun e’lon qilindi. Tanlovning boshlang‘ich narxi ma’lum qilinmayapti. Tender takliflari 19-dekabrgacha qabul qilinadi, tanlov yakunlari esa 2015- yilning birinchi choragida chiqarilishi rejalashtirilgan. Avvalroq “O‘zbekenergo” 2019-yil bahorigacha quvvati 100 MVt bo‘lgan, yiliga 200 million kVt/s elektr energiyasi ishlab chiqaradigan Markaziy Osiyoda birinchi quyosh stansiyasini qurishi haqida xabar berilgan edi. Umumiy qiymati 310 million dollarlik loyiha Osiyo taraqqiyot bankining 110 million dollar hajmidagi krediti, shuningdek O‘zbekiston Tiklanish va taraqqiyot jamg‘armasi hamda “O‘zbekenergo” mablag‘lari hisobidan moliyalashtiriladi.
