Главная » 2013»Июль»22 » NTT телеканалида Акмал Мирзо ва Азиз Ҳайдаров "дуэли"
23:32
NTT телеканалида Акмал Мирзо ва Азиз Ҳайдаров "дуэли"
Душанба куни футбол бўйича Ўзбекистон миллий терма жамоаси ярим ҳимоячиси Азиз Ҳайдаров NTT телеканали мехмони бўлади, дея хабар беради Ўзбекистон Футбол Федерациясининг расмий твиттери.
Азиз Ҳайдаров телеканалнинг "Чой устида" дастурига таклиф қилинган. Унда бошловчи Акмал Мирзо ҳар доимгидек ўзининг қитмир ва кутилмаган саволлари билан футболчини "ўққа" тутса ажабмас. Сиз ушбу интервьюни НТТ телеканали орқали 22 июль куни соат 21:00дан эътиборан томоша қилишингиз мумкин. Эртаси, яъни 23 июл куни соат 12:10да кўрсатув такроран намойиш этилади. Эслатиб ўтамиз, ушбу кўрсатувда бундан аввал терма жамоанинг бошқа бир футболчиси, Тошкентнинг "Локомотив" жамоаси аъзоси Санжар Турсунов ҳам меҳмон бўлган эди. Санжар бошловчининг Абрамов ёки Қосимов деган саволига жавоб қайтарар экан, - Абрамов мени тўғри тушунади деб ўйлайман, Қосимов, деб ўнғайсизланиб жавоб қайтарган эди. Лекин Азиз Ҳайдаров спорт журналистлари орасида димоғдор футболчи сифатида "танилган". Кўрамиз, камера олдида ў ўзини қандай тутар экан.
