Nokia компанияси "Нокиа 114” телефонини
тақдим этди. Ўтган ойда ҳам компания
"Нокиа 109” арзон телефонини чиқарган
эди.
"Нокиа 114” ҳам "Нокиа 109”га ўхшаб
кетади. Иккала моделнинг ўлчами,
дизайни бир хил, "Нокиа 114” бир неча
грамм оғирроқ холос. Бундан ташқари,
янги моделда иккита сим-карта ишлатиш
мумкин. Bluetooth 2.1 эса ҳар қандай
фойдаланувчига маъқул келади.
Хотирани microSD форматли карта
ёрдамида 32 ГБгача кўпайтириш мумкин.
Айни пайтда телефоннинг нархи ошкор
қилинмаяпти. Жаҳон бозорида
сотиладими ёки йўқми, буниси ҳам
ҳозирча номаълум.
