|
Inson bor - muammo bor, Inson yo'q - muammo yo'q.
(Stalin)
Har bir insonning hayotida o'ziga yarasha muammolari mavjud. Kimdir eri bilan urishib qolgan, kimdir qaynonasidan norozi. Kimdir oyligini, stipendiyasini vaqtida ololmayapti, yana kimningdir kompyuterini virus bosgan, kimdir telefoniga whatsapp o'rnata olmayapti. Kimningdir haydovchilik guvohnomasini olib qo'yishgan, kimdir universitetga kira olmayapti. Tirikchiligi uchun pul topa olmayatganlar-u, pulini nimaga sarflashni bilmayotganlar ham bor. Kimdir falon joyga nechinchi avtobus borishini bilmaydi, yana kimdir yangi yilga yaqinlariga sovg'a olmoqchi-yu, lekin qayerdan zo'r sovg'a topishni o'ylayapti. Kimgadir yuridik yordam zarur va hokazo.
Muammolarni ular paydo bo'lgan darajada turib, hal qilishning iloji yo'q. Ularni hal qilmoq uchun bir pog'ona balandga ko'tarilish lozim.
(Albert Eynshteyn)
Muammolar turlicha... AMMO, hammasiga YECHIM mavjud. "O'limdan boshqasini chorasi bor", - deydi dono xalqimiz. "Muammo va Yechim" loyixasida hamma o'zi duch kelgan va hal qilishga urinayotgan muammosini yozib qoldiradi. Va, aynan o'sha "hamma" saytdoshiga shu muammolarning qanday yechim topishi mumkinligini aytadi. Bu bilan, biz bir-birimizga, ehtimol, ulkan yordam beramiz(!) Kimdir o'zi duch kelgan va hal qilgan, yoki qanday hal qilinishini biladigan masala bo'yicha, shu masalaga endi duch kelayotgan va hali bu borada yetarli bilimga ega bo'lmagan insonga to'g'ri maslahat berish - bu loyixaning maqsadi.
Loyixaning o'ziga xos tomoni - muammolar doirasi chegaralanmagan! Har qanday turdagi (etiket qoidalaridan chiqmagan holda) muammolaringizni yozib qoldirishingiz mumkin.
Loyixa - hazildan tashqari. Maqsad - insonlarga sal bo'lsa-da yordam berish, "Tanasi boshqa dard bilmas" qabilidagi hayot tarzidan yiroqlashib, kimningdir dardini tinglash, unga maslahat berish, yordam berish. Maynavozchilik qilmasliginglani iltimos va talab qilaman.
Loyixani keyinchalik forumda davom ettirish uchun link - http://www.sherlar.uz/forum/2-6250-1
Hurmat bilan Gangster
| 
