Главная » 2014»Октябрь»4 » Microsoft kompaniyasida ishlovchilarning 29 foizini ayollar tashkil etadi.
20:15
Microsoft kompaniyasida ishlovchilarning 29 foizini ayollar tashkil etadi.
Microsoft kompaniyasi ham Apple, Google, Facebook va Twitter kabi yirik kompaniyalar qatorida o‘zining xodimlari haqida qiziqarli ma’lumotlarni e’lon qildi. Bu haqda The Verge nashri xabar berdi. Ma’lumotlarga ko‘ra, bugungi kunda butun dunyo bo‘ylab Microsoft kompaniyasida ishlovchilarning 29 foizini ayollar tashkil etadi. Bu ko‘rsatkich o‘tgan yilda 24 foiz bo‘lgan. Shuningdek, Microsoft’da ayollarning yuqori lavozimlarda ishlash foizi ham o‘tgan yilgi 24 foizdan 27 foizga ko‘tarilgan. Eslatib o‘tish joiz, Apple va Google kompaniyalarining ham taxminan 30 foiz xodimlari ayol kishilar hisoblanadi. Microsoft kompaniyasining texnikaga oid bo‘lgan bo‘limlarida ishlaydiganlarning 17,1 foizini ayollar tashkil etsa, kompaniya xodimlarining 28,9 foizi osiyoliklardir. Kompaniyada butun dunyo bo‘ylab jami 128 076 nafar kishi faoliyat olib boradi. Taqqoslash uchun, Apple’da 98 000 va Google’da 52 069 kishi ishlaydi.
