Европа Чемпионлар Лигасининг 1/8 финали жавоб ўйинлари доирасидаги икки ўйин якунланди ва 1/4 финалга чиққан дастлабки икки жамоа аниқланди.
"Реал” жамоаси "Манчестер Юнайтед” майдонига сафар қилди. Дастлабки ўйинда 1:1 натижаси қайд қилинганлиги учун бу ўйинда мадридликлар ё ғалаба қозонишлари ёки 2:2 ва ундан кўпроқ гол билан дуранг ўйнашлари лозим эди. 48-дақиқада ҳисоб очилди. Нанининг жарима майдони ичига оширган тўпини кутилмаганда Серхио Рамос ўз дарвозасига киритиб қўйди. Аммо орадан кўп ўтмай Нани майдондан четлатилди. Моуриньо дарҳол майдонга Модрични туширди. Тушганига кўп бўлмасидан хорват футболчиси ҳисобни тенглаштирди – 1:1. Орадан 3 дақиқа ўтиб Роналду собиқ жамоаси дарвозасига тўп киритди. Бу гол ўйиндаги сўнгги гол бўлиб қолди ва "Реал” 2012/2013 мавсумида ЕЧЛнинг чорак финалига чиққан биринчи жамоага айланди.
Иккинчи ўйинда Германия чемпиони "Боруссия” Украина чемпиони "Шахтёр”ни йирик 3:0 ҳисобида мағлубиятга учратди ва у ҳам чорак финалга йўл олди. Бу йилги турнирнинг D гуруҳидан плей-оффга бирга чиққан "Реал” ва "Боруссия” дастлабки чорак финалчига айланишди.
Чемпионлар Лигаси. 1/8 финал. Жавоб ўйинлари
МАНЧЕСТЕР ЮНАЙТЕД (Англия) – РЕАЛ МАДРИД (Испания) – 1:2 (0:0)
Голлар: 1:0 – 48, автогол Рамос, 1:1 – 66 Модрич, 1:2 – 69 Роналду.
Манчестер Юнайтед – Де Хеа, Рафаэл (Валенсия, 87), Рио Фердинанд, Видич, Эвра, Кэррик, Клеверли (Руни, 73), Нани, Уэлбек (Янг, 81), Гиггз, ван Перси.
Реал Мадрид – Диего Лопес, Арбелоа (Модрич, 59), Рамос, Варан, Коэнтрау, Хедира, Алонсо, Ди Мария (Кака, 44), Ўзил (Пепе, 71), Роналду, Игуаин.
Огоҳлантиришлар: Эвра (18), Арбелоа (38), Кэррик (72), Кака (73), Пепе (88).
Четлатиш: Нани (57)
6 март, 00.45, "Олд Траффорд”
Биринчи ўйин – 1:1.
БОРУССИЯ Д (Германия) – ШАХТЁР (Украина) – 3:0 (2:0)
Голлар: 1:0 – 31 Сантана, 2:0 – 37 Гетце, 3:0 – 59 Блашчиковски
Боруссия Д – Вайденфеллер, Пишчек, Суботич, Ф. Сантана, Шмельцер, Гундоган (Шаҳин, 82), Бендер (Кель, 46), Блашчиковски (Гросскройтц, 70), Гетце, Ройс, Левандовски.
Шахтёр – Пятов, Срна, Ракицкий, Кучер, Рац, Фернандиньо, Гюбшман (Степаненко, 82), Алекс Тейшейра, Мхитарян, Тайсон (Коста, 46), Луис Адриано.
Огоҳлантириш: Кучер (15)
6 март, 00.45, "Сигнал Идуна Парк”
Биринчи ўйин – 2:2.
