Apple kompaniyasi tomonidan ishlanb chiqarilgan iPhone 4 smartfoni "Eng tez sotiladigan portativ o‘yin tizimi” nominatsiyasi bo‘yicha Ginnesning rekordlar kitobiga kiritildi. Eslatib o‘tamiz, iPhone 4 smartfoni savdoga chiqarilgan kuni deyarli bir yarim million dona sotilgan. Bu ko‘rsatkich bo‘yicha ushbu smartfon PlayStation Portable (sotuvga chiqarilgan kuni 200 ming dona sotilgan) va Nintendo DS (bir haftada 500 ming dona sotilgan) portativ o‘yin konsollarini ortda qoldirib ketdi. iOS operatsion tizimida ishlovchi qurilmalar, jumladan iPhone smartfoni va iPad planshet kompyuteri uchun ilova-dasturlar sotiluvchi App Store onlayn-do‘koni esa o‘z yo‘nalishida eng mashhur internet-do‘kon deb topildi. Ushbu do‘kon 2008-yilda ishga tushirilganidan beri yuklashlar soni 6,5 milliarddan oshib ketdi. Bu rekord ko‘rsatkichlar 2008-yildan beri nashr qilinayotgan Ginnesning rekordlar kitobining geymerlar nashri (Guinness World Records Gamer’s Edition)da e’lon qilingan. Manba: Lenta.ru
