|
Korea kinoseriallari boshqa kinolaridan katta farq qiladi. Masalan Korealik rejissyorlar o’z mahsulotlarida insoniylik fazilatlarini, insoniylik tuyg’ularini hayotiy tarzda yorqin namoyon etishadi. Balki shunisi bilan bizning qalbimizda har bir epizodi uzoq vaqt davomida saqlanib qoladi.
Bizga namoyish etilayotgan "Siz qaysi yulduzdansiz?” kinoserialining bosh qahramon yigit obrazini Koreaning juda mashxur aktyori Kim Rae Von talqin etgan. Yoshligida katta basketbol o’yinchisi bo’lishni orzu qilgan Kim Rae Von 1981 yil 19 Martda Koreaning Gangvondo shaharchasida tavallud topgan. Bolaligida juda katta jarohat olib basketbol komandasini tark etishga majbur bo’ladi. Korea halqiga birinchi bo’lib sarvqomat model sifatida ko’rinadi. Keyinchalik qobiliyati borligini anglab, o’zini kino sohasida sinab ko’radi. Uni mashxur qilgan kinolaridan, "Olho’ri gullaganda”, "Garvarddagi hissiyotlar”, "Sevaman deb ayt”, va ko’pab kinolarda yaratgan obrazlari muvaffaqqiyatli chiqgan.
Kim Rae Von intervyularidan birida shunday degan ekan: "Menga o’zim yaratgan obrazlarim yoqadi. Obrazlar yaratgan har bir filmim men uchun juda katta axamiyatga ega. Lekin shuni aytib o’tishim kerakki, bitta kamchiligim bor. Hech hissiyotlarga berilib yig’lay olmayman. Vaholanki, bu xolat Korea filmlaridagi eng kerakli holat hisoblanadi. Ba’zi bir aktyorlar yig’lash uchun o’tmishidagi baxtsiz xodisalarni yodga olishardi. Lekin meni o’tmishimda hech qanday ko’ngilsizlik sodir bo’lmagan. Men shuni to’liq ayta olamanki, men hayotdagi eng omadli va eng baxtli insonman…… ”
| 
