Germaniyaning Myunxen shahrida joylashgan "Alyants Arena” stadionida "Bavariya” hamda Londonning "Chelsi” jamoalari o`rtasidagi Evropa Chempionlar ligasi finali o`z nihoyasiga etdi. Uchrashuvning asosiy va qo`shimcha taymlarida 1:1 hisobi qayd etildi. Penaltilar seriyasida esa "Chelsi” jamoasi g`alaba qozondi.
"Bavariya” jamoasi maydon egasi sifatida uchrashuvning dastlabki daqiqalaridanoq oldinga tashlandi. Ammo "Chelsi”ning qarshi hujumda nihoyatda xavfli o`yin namoyish etishini inobatga olgan holda, myunxenliklar himoyani ham unutmaslikka harakat qilishdi. Birinchi bo`limda ruhiy bosim "Chelsi” jamoasiga qaraganda, "Bavariya” futbolchilarida ko`proq ko`zga tashlandi. Ular tashabbusni qo`lga olish bilan birgalikda ana shu bosimni ham engib o`tishga harakat qildilar.
21-daqiqiqada "Bavariya” vakillari jiddiy xavfli vaziyatni yuzaga keltira oldilar. Aren Robbenning yo`llagan kuchli zarbasini Petr Chex to`sib qolishga erishdi. Ammo to`p darvoza ustuniga tegib, maydonga qaytdi. Bu vaziyatda londonlik himoyachilar xavfni bartaraf eta olishdi. 35-daqiqa endilikda Germaniya terma jamoasi a`zosi Tomas Myuller juda qulay imkoniyatdan foydalana olmadi. "Chelsi” esa birinchi bo`limni o`zi uchun qulay vaziyat poylab o`tkazdi. Raqibning birgina xatosini Di Matteo shogirdlari jazolashga tayyor edilar. Ammo Filipp Lam boshchiligidagi "Bavariya” himoyachilari inglizlarga bunday vaziyatni taqdim etishmadi.
Ikkinchi bo`lim ham birinchisi kabi boshlandi. Faqat "Bavariya” futbolchilari endilikda hayajonni bosib olgan holda harakat qila boshlashdi. 53-daqiqada Aren Robbenning zarbasidan so`ng Chexdan qaytgan to`pni Frank Riberi darvozaga yo`lladi. Ammo bu gol hisobga olinmadi. Robben zarba bergan vaqtda Frantsiya terma jamoasi a`zosi o`yindan tashqari holatda qolib ketgandi. Shundan so`ng "Bavariya” "Chelsi” darvozasi sari haqiqiy shturm uyushtirdi. Ҳattoki, myunxenlik futbolchilar maydonda bitta o`yinchi ko`p bo`lib harakat qilayotgandek tasavvur uyg`otishdi. Ammo bu hujumlarning barchasi "aristokratlar”ning himoyachilari tomonidan qiyinchilik bilan bo`lsa-da, qaytarib turildi. Faqatgina 70-daqiqaga kelib "Chelsi”da ketma-ket ikkita qarshi hujum uyushtirish imkoni paydo bo`ldi. Biroq bu vaziyatlarda Manuel Noyer o`z mahoratini namoyish etib, hujumlarni bartaraf etdi.
"Bavariya” bir oz tin olib, yana hujumlarga zo`r bera boshladi. Ammo bu hujumlardan naf ko`rinmas edi. O`yin qo`shimcha daqiqalarga qarab ketayotgandek tasavvur uyg`otayotgan bir vaqtda Tomas Myuller katta sahnaga chiqdi. Uning boshi bilan bergan zarbasi erga tegib,sapchigan holda, Petr Chexning ustidan o`tib, darvozadan joy oldi. Ajoyib gol!
Goldan so`ng har ikkala jamoa murabbiylari darhol o`zgarishlarni amalga oshirishga kirishib ketishdi. "Bavariya” "eson-omon” o`yinni yakunlab olish ilinjida, "Chelsi” esa o`yinda burilish yasash maqsadida.
88-daqiqaga kelib "Chelsi” o`yindagi o`zining birinchi (!) burchak to`pini amalga oshirish huquqiga ega bo`ldi. Bungacha esa "Bavariya” futbolchilari 17 (!) marta burchakdan to`pni o`yinga kiritishga ulgurishgan edi. Burchakdan oshirib berilgan to`pni Drogba boshi bilan darvozaning yaqin burchagiga yo`llab, hisobni tenglashtirdi. Mana sizga tomosha! Qo`shimcha daqiqalarga marhamat!
93-daqiqada Drogba penalti "ishladi”. Riberiga nisabatan jarima maydonchasi ichida umuman kekraksiz vaziyatda qo`pollik ishlatdi. 11 metrlik nuqtaga Aren Robben yaqinlashdi. Zarba!!! To`p Chexning qo`llari ostida! Robben o`z faoliyati davomida ikkinchi marta muhim vaziyatda penltidan gol kirita olmadi. Yodingizda bo`lsa, u "Borussiya”ga qarshi kechgan chempionlik bahsida ham penaltini "ko`kka sovurgandi”.
Qo`shimcha taymning birinchisi "tinchgina” o`z nihoyasiga etdi. Ikkinchi ekstra taymda zaxiradan maydonga tushgan Ivitsa Olichda ajoyib imkoniyat paydo bo`ldi. Ammo uning zarbasi shundoqqina darvoza ustuni yonidan o`tib ketdi. Bir ozdan so`ng Mario Gomes bo`sh qolgan darvozaga to`pni aniq yo`llay olmadi. Bu vaziyatda unga David Luiz munosib qarshilik ko`rsatdi. Shu tariqa qo`shimcha taymlar o`z nihoyasiga etdi. Penaltilar seriyasiga xush kelibsiz!
Avval birinchi zarbada Mata xatoga yo`l qo`ydi. Keyinto`rtinchi zarbada Olich xatoga xato bilan javob qaytardi. Keyin esa "Bavariya”ning timsoliga aylanib qolgan Shvaynshtayger "xol” qo`ydi... So`nggi zarbani esa Drogba berdi! Bugungi o`yin shunday o`yin edi! Drogba deb atalmish o`yin!
EChL, Final.
BAVARIYa – ChELSI 1:1 (Penaltilar seriyasi – 3:4)
Gollar: Myuller, 83 – Drogba, 88.
TO`G`RI TAXMIN SOHIBI
1-1 i penaltilarda chelsi yutadi
lekin u muhimmas uyin haqiqiy final buldi zur uyin buldi juda qiziqarli man 2 yildan beri futbolga qiziqsam hali bunaqa uyin kurmaganidim hatto El Classico da REAL MADRID fanati busamam undayam bunaqa qiziqarli ajoyip bumagan 
haqiqiy final bunaqa uyin manimcha anchadan keyin takrorlansa kere 
nma bugandayam CHELSI muxlislarini tabrikliman qiziqarli TANLOV uchun Sherlar.uz ga raxmat 
Chelsi 
