Osiyo chempionlar ligasi guruh bosqichining so`nggi tur uchrashuvlari doirasidagi "Bunyodkor" va "Poxang Stilers" klublari o`rtasidagi o`yin yakunlandi.
O`yin juda qiziqarli ruhda o`tdi. Butun uchrashuv davomida "Bunyodkor" ustunlikka ega bo`ldi va haqli ravishda g`alaba qozonib, nimchorak finalga yo`l oldi.
Garchi o`yinning ilk daqiqalarida mehmonlar ustunlikka ega bo`lgan bo`lsa-da, asta-sekin "Bunyodkor" o`yinning o`z qo`liga oldi. Dastlab Karpenkoning zarbasi, keyin esa Murzoevning bosh bilan yo`llagan zarbasi darvoza ustuniga tegib, maydonga qaytdi. Shavkat Salomovning qaychi usulida yo`llagan zarbasini esa darvozabon katta qiyinchilik evaziga bartaraf etishga muvaffaq bo`ldi.
Ikkinchi bo`limda esa o`yindagi bu ustunlik hisobga ham ko`chdi. Bo`limning ilk daqiqalaridan oldinga tashlangan "qaldirg`ochlar" hisobni ochishga muvaffaq bo`ldi. Akmal Shorahmedov jarima maydoniga kirib bordi va to`pni Yan Kozakka tashlab berdi. Kozak esa to`pni yolg`iz turgan Anvar G`ofurovga uzatdi. Anvar esa boshi bilan kuchli zarba yo`lladi va darvozani ishg`ol etdi.
Shundan so`ng "Bunyodkor"da hisobni oshirish uchun yana bir qulay vaziyat bo`lgan edi. Lutfullaning ko`kragi bilan tashlab bergan to`pini Salomov darvozaga aniq yo`llay olmadi. So`nggi daqiqada esa Yan Kozak birga-bir vaziyatda to`pni darvozaga tepish o`rniga Karpenkoga uzatdi va vaziyat yo`qqa chiqdi.
O`yinning qolgan daqiqalarida hisob boshqa o`zgarmadi va "Bunyodkor" g`alaba qozonishga muvaffaq bo`ldi va chorak finalga yo`l oldi. Eslatib o`tamiz, nimchorak finalda 29 may kuni toshkentliklar janubiy Koreyaning boshqa bir klubi - "Seongnam Ilva Chunma” klubi mehmoni bo`ladilar.
OCh2012.6-tur.
"Bunyodkor" - "Poxang Stilers" 1:0 (0:0)
Gol: Anvar G`ofurov
"Bunyodkor": Ignatiy Nesterov, Akmal Shorahmedov, Xayrulla Karimov, Anvar G`ofurov (Emil Kenjisariev 66), javlon Ibroximov, Shavkat Salomov (Ruslan Melziddinov 80), Lutfulla To`raev, Artyom Filiposyan, Kamoliddin Murzoev (Anvarjon Soliev 90), Viktor Karpenko (s), Yan Kozak
"Poxang Stilers": Shin Xva Yong, Kim Kva ng Suk, Xvang jin Seong, Derek Asamoah (Shin jin Xo 86), Kim Von Il, Kim Tay Su, Shin Kvang Xun, Shin Xyun Min, No Byung jun (Mu Yul 65), Kim Day Xo, Cho Chan Xo
