OwnFone kompaniyasi tomonidan 4-9 yoshli bolalar uchun bolalarbop ko‘rinishdagi telefonlar ishlab chiqarilishini hammayam bilmasa kerak.
Ushbu telefon apparatining kattaligi plastik kartochkalari kabi bo‘lib, uning og‘irligi bor-yog‘i 40 gramm. Unda faqatgina telefon qilish va qo‘ng‘iroqlarni qabul qilish mumkin. Shuningdek, telefonning ekrani ham yo‘q va ekran o‘rniga 12 tagacha bolaning ota-onasi, yaqin do‘stlari hamda tez yordam xizmati raqamlarini saqlab qo‘yish imkoniyati mavjud. Bu degani bolaning telefonida faqatgina ota-onasi (!) saqlab qo‘ygan maksimum 12 kishining raqami bo‘ladi, xolos. Ushbu raqamlarni faqatgina bolaning ota-ona saqlab qo‘yishi mumkin.
Ushbu telefonda bolangiz 12 ta yaqini bilan muloqot qilishi mumkin
"1stFone” deb nomlangan ushbu telefon apparati ishlab chiqaruvchilarining ta’kidlashicha, undagi turli xizmatlar (SMS, MMS, internet)ning yo‘qligi bolani turli "axborot xurujlari”dan himoya qilish uchun qulay.
Shuningdek, telefonning yuqori qismida gadjet ovozini ko‘tarish va pasaytirish tugmasi hamda qo‘ng‘iroqlarga javob berish tugmasi mavjud, xolos.
Bolangizni turli axborot xurujlaridan himoya qiluvchi telefon
Darvoqe, ushbu telefon apparatini hozirning o‘zidayoq, OwnFone kompaniyasining rasmiy web-sahifasi orqali o‘z hohishingiz va didingizga qarab bor-yo‘g‘i 55 funt-sterlingga buyurtma qilishingiz va uni bolangizga sovg‘a qilishingiz mumkin.
