|
Bir kam dunyodir but bo’lib qolmas Kimgadir baxt kulib kimgadir kulmas Goh shodlik gohi g’am hech kami to’lmas Bir chimdim mehrni qizg’angan otam.
Gunohim bilmadim, bilmadim aybim Bolalikdan tuydi armonni qalbim Murg’akkina jonda Siz erur dardim Ko’nglimga armonni to’ldirgan otam.
Ba’zilar farzandga zor-u intizor Yig’lagim keladi ko’z yoshim bisyor Sizni kechirmayman zinhor va zinhor Mening ko’zlarimni yoshlatgan otam.
Lablarim titranib pichirlar "Yo Rab” Ketdi-ku o’z qizin o’ksitib, xo’rlab So’rayman o’zimga bardoshni tilab Farzandim deyishni or bilgan otam.
Sizga yomonlikni tilamam also Bir baxtimni ko’rib bo’lingiz ado Gunohlar qolmaydi hech ham bejazo O’zga bir ayolni yor bilgan otam.
Atrofimda barcha barcha parvona Kimnidir izlaydi ko’zim giryona Nahot etib ketdi meni begona Tirik nomim tirkagan otam.
Onajonim aytar o’ksinma qizim Mag’rur bo’b Xudodan so’ragin to’zim Ko’nglimga jo qilgum ularning so’zin Volidam ko’zlarin yoshlatgan otam.
Bir qatra mehrni ololmay Sizdan Zo’z bazo’r tiyarman yoshlarni ko’zdan Og’rinmang bu so’zdan, ojiza qizdan Dunyoga nafratim uyg’otgan otam.
| 
