Mashhur forumlarning birida o‘ziga badavlat er qidirib bir qiz quyidagilarni yozib qoldirdi.Yoshim 25da. Men juda ham chiroyli, kelishgan, zamon va moda bilan hamnafas qizman. Boy bir kishiga turmushga chiqmoqchiman, oyligi yiliga 500 ming dollardan kam bo‘lmasligi kerak…
Sarlavha: "Badavlat erga tegish uchun nima qilishim kerak?”.
Bu yerda ichimdagilarni yashirmasdan, barchasini oshkor yozmoqchiman.
Yoshim 25da. Men juda ham chiroyli, kelishgan, zamon va moda bilan hamnafas qizman. Boy bir kishiga turmushga chiqmoqchiman, oyligi yiliga 500 ming dollardan kam bo‘lmasligi kerak. Siz meni juda ham och ko‘z qiz ekan deyishga shoshilmang, chunki Nyu-Yorkda yiliga 1 million dollar topadigan kishi o‘rta sinf vakili hisoblanadi.
Meni talablarim juda yuqori emas, ayni shu forumda kimdir chiqar, yiliga 500 ming dollar ishlab topadigan?! Yoki hamma uylanib bo‘lganmi?
Men sizlardan so‘ramoqchiman. Aytinglar, badavlat kishiga turmushga chiqish uchun nima qilay? Shu paytgacha yurgan yigitlarimdan eng boyvochchasi yiliga 250 ming dollar topar edi. Bu Nyu-Yorkdagi men xohlagan yerda yashash uchun yetarli mablag‘ emas.
Shuning uchun, ruxsatingiz bilan, quyidagi savollarni bersam:
1) Badavlat kishilar qayerlarda ko‘proq yurishadi? Klub, restoran, diskoteka, bar nomlarini yozishingizni so‘rayman.
2) Qaysi qatlamni tanlashim zarur? Masalan, yoshroq yigitlarmi yoki yoshi kattaroqlarmi?
3) Ko‘p ko‘rganman, badavlat kishilarning ayollari juda chiroyli ham bo‘lishmaydi. O‘rtacha ko‘rinishga ega bo‘lishadi. Ular buni qanday uddalashadi?
4) Badavlat kishilar, aytinglar, sizlarga xotinlikka ko‘proq qanday qizlar kerak va qaysi qizlar faqat ko‘ngilxushlik uchun kerak? Mening maqsadim turmushga chiqish.
Hurmat bilan,
Go‘zal Hurliqo.
"JP Morgan” banki rahbaridan faylasufona javob.
Azizim Go‘zal Hurliqo,
Sizning xatingizni zo‘r qiziqish bilan o‘qib chiqdim. Fikrimcha, juda ko‘pchilik qizlar shu kabi savollar bilan xayollarini band qilib yurishadi. Iltimos, bergan savollaringizdagi holatni professional investor sifatida tahlil qilishga ruxsat bersangiz.
Menning yillik daromadim 500 ming dollardan ziyod va bu bilan sizning talabingizga javob beraman. Qolaversa bu – bu yerda bekorga vaqt sarflamayotganimni bildiradi, ya’ni, sizni pul jihatdan qoniqtira olaman.
Biznesmen, ya’ni, ishbilarmon kishi sifatida, sizga uylanish yomon qaror hisoblanadi. Javob juda oddiy, xatimni o‘qishda davom eting.
Dangal qilib aytganda, siz "chiroy”ni "pul”ga ayri bosh qilmoqchisiz, barter qilmoqchisiz. Gulchapchap chiroyini beradi, Qulmamat uning uchun pul to‘laydi, sodda va lo‘nda, bir qarashda adolatli.
Lekin, bu yerda yaxshigina muammo mavjud. Sizning chiroyingiz yil sayin so‘nib boradi, ammo pul esa, yaxshigina sabab bo‘lmasa, o‘zidan o‘zi yo‘qolib ketmaydi. Gap shundaki, yigitning topishi yildan yilga yaxshilanishi mumkin, ammo sizning chiroyingiz yildan yilga yaxshilanmaydi.
Shu sababli iqtsodchi nuqtai nazaridan, boylikni hisobga olganda men yildan yilga bahosi oshib boradigan mulkman, siz esa aksincha. Siz chiroyni hisobga olganda, yildan yilga bahosi yuqori suratda pasayadigan mulksiz. Va bu siz maqtanadigan yagona xususiyat bo‘lsa, sizning bahoingiz 10 yilda umuman qolmaydi.
Biz Uol Stritda ishlatadigan atama bilan aytganda, siz bilan uchrashib yurishgina biz uchun "qulay vaziyat”. Agar savdo bahosi tushib ketsa, siz o‘ylagan turmush bilan ham xuddi shunday bo‘ladi. Xafa bo‘lmasangiz, soddaroq tushuntiraman. Bahosi tez pasayadigan narsalar odatda sotib olinmaydi, balki ijaraga olinadi. Shu sabab, sizni "ijaraga” olishimiz mumkin.
Demak, kimni 500 ming dollar puli bo‘lsa, u ahmoq odam emas; siz bilan faqat uchrashib yurishimiz mumkin xolos, lekin hech qachon uylanmaymiz. Sizga bunday maqsadlarni unutishingizni maslahat bergan bo‘lardim. Uning o‘rniga yaxshi hislat orttirib yoki o‘zingiz tadbirkorlikka qo‘l urib 500 ming dollardan ko‘proq daromad ishlashingiz mumkin.
O‘ylaymanki, yozganlarim sizga yordam beradi.
Imzo,
"JP Morgan” rahbari.
3 savolga javob-ular qonde udalashardi uning o`zi ham boy shunga ajralishmedi sizchi boymisiz$4tinchi savoldi ichida 3 savol ekan 1chisiga javob yo`q men badavlat emasman u darajada 2chisi shunde qizlar ko`ngih xushli uchun keraki siz o`zizi misol qilishiz mumkin 
bu rost gapmi yolgonmi qizbola yozganmi ogilbolami bu aniqmas man iwomadim 
