"Podrobno” nashrining xabar berishicha, Gulchehra moddiy qiyinchiliklar tufayli Rossiyaga borib, turli joylarda — aeroportda, do‘konlarda ishlab, vaqtinchalik O‘zbekistonga qaytib keladi. Qo‘shnilaridan biri ularga pul zarur bo‘lib qolganini aytib, undan o‘z qizini ham birga olib ketishini iltimos qiladi. Gulchehraning niyati birdan buziladi: u Rossiyada yosh qizlar "serdaromad va osongina” ishlardan mo‘maygina pul topishi mumkinligini eshitgan edi. O‘zining yoshi o‘tib qolgani bu ish uchun to‘g‘ri kelmagan edi.
Shunday qilib, Gulchehra o‘zi ishlaydigan do‘kon egasiga qo‘shnisining qizi Shohidani "topshiradi” va qizni fohishalikdan tushgan daromadning 20 foizini o‘ziga berib turishga majbur qiladi. Bora-bora, Shohidaning o‘zi ham bu ishga boshqa qizlarni "jalb qilish” bilan shug‘ullana boshlaydi.
Gulchehra "jonli tovar” uchun O‘zbekistonga kelganida zarafshonlik Shahlo uning tuzog‘iga ilinadi. Biroq qiz Gulchehraning asl maqsadidan xabar topgach, huquqni himoya qilish organlariga murojaat qiladi. IIB va MXX xodimlari Navoiy xalqaro aeroportida Gulchehrani qo‘lga olishadi va unga nisbatan jinoiy ish qo‘zg‘atiladi.
Yaxshisi man gapirmay tezro chiqib ketay kettim kettim<<<<voy yo'l bu tarafda ediyu >>>>>
