AQSh da elektr simlari 25 sm.li muz bilan qoplandi
AQShda kuchli qor bo’roni va tornado oqibatida qurbon bo’lganlar soni 16 nafarga yetdi. Ko’pchilik daraxtlarning qulab tushishi va muzlagan yo’llarda yuz bergan avtohalokat natijasida halok bo’lgan. Amerikaning shimoli-sharqiy va markaziy shtatlarida qor bo’roni avj oldi, tornado kuzatilib, shiddatli yomg’ir yog’di. Quyun daraxtlarni sug’urib ketmoqda, uylarning tomlari uchib ketmoqda. Shu vaqtgacha yuzdan ziyod binoga shikast yetgan. Bir sutka ichida meteorologlar Texas, Luiziana, Missisipi va Alabamada 34 ta tornado qayd etishgan. Yuz minglab amerikaliklar elektr ta’minotisiz qoldi. Arkanzas va Alabamada elektr simlari qalinligi 25 smni tashkil etuvchi muz va qor bilan qoplandi. Shuningdek, bir yarim mingdan ziyod aviaparvozlar bekor qilindi. Bunga asosan kuchli shamol va uchish-qo’nish yo’lagining muzlab qolganligi sabab bo’lgan.
