Андижондаги махсус мухбиримиз Абдураҳим Lawyerнинг хабар беришича, «Уммон»нинг Андижон шаҳри марказий стадионида бўлиб ўтган концерти шов-шувларга бой бўлган.
-"Уммон” ушбу йирик ўйингоҳнинг ярмини мухлис билан тўлдирган саноқли санъаткорлар рўйхатига кирди! – дейди, мухбиримиз. - 18 000 кишилик стадионга 9 500 та томошабин келди. 32 та сектор бўлса, шунинг ярми тўлди. Гуруҳ йигитлари Мустақиллик 21 йиллигида қандай кийимда чиқишган бўлса, шундай тарзда намоён бўлиб, кўпчиликнинг эътиборини тортишди.
Гуруҳ концерт давомида 21 та қўшиқ куйлаб, улардан 9 таси "тандирдан энди узилган”! Энг қизиғи, "Уммон”нинг суперхити "Қандай унутдинг”ни учовлонга қўшилиб, бутун стадион жўр бўлиб куйлагани эсда қоларли воқеа бўлди! "Уммон” бу вазиятга жавобан: "Бу қўшиқ бизларники ё сизларники?!” дея ҳайратини ичига сиғдиролмади. Стадионнинг у бошидан бу бошига югуриб чарчамаган йигитлар дастхатлар беришга, мухлислардан эксклюзив совғалар олишга ҳам улгуришди. Узун изҳорлар билдирилган узун мактублар эса хонандаларнинг кайфиятини кўтарди.
Ана шунақа гаплар. Олдинда эса "Туркистон” саройидаги янги яккахон концерт дастури. Ундан сўнг эса Россия бўйлаб гастроллар бошланади. Олға, "Уммон”!
Жасур
Дарвоқе, қуйидаги суратда "Уммон”нинг Андижондаги энг ёш тақлидчи мухлислари. Сиёвуш 12 ёш, Бекзод 7 ёшда, Бунёд эса 9 ёш. Болакайлар Жалақудуқ тумани 1-умумтаълим мактаби ўқувчилари.
АНДИЖОННИНГ "УММОН"И!
marta 
