Zebo
 Zebo kuz faslida, aniqrog`i 26 oktyabr kuni Toshkent shahrida tavallud topgan. Zeboning san`atga bo`lgan muhabbatiga uning oila a`zolari san`atkorlardan iborat bo`lganligi sabab bo`lsa ajab emas. Uning ota-onasidagi san`atga bo`lgan muhabbat bevosita bolalariga ham o`tgan. Zeboning oilasi otasi, onasi, 2 opasi va 1 ukasidan iborat. Zebo uchun eng yaqin insonlar bu oila a`zolaridir va eng yaqin dugonalari, sirdoshlari hamda maslahatchilari opalari deb hisoblaydi. U yoshligidan qo`shiq kuylashni yaxshi ko`rgan. Zeboning yoshligidan san`atga bo`lgan muhabbati uni turli to`garaklarga yetaklab bordi, bularga misol qilib o`zbek milliy raqsi, rassomlik to`garagi, fortepiano kabi to`garaklarni ko`rsatishimiz mumkin.
Zebo xorij tillarni o`rganishga ham qiziqishi bo`lganligi sababli 64 o`rta maktabni bitirib, Toshkent Davlat Sharqshunaslik institutiga imtixon topishirib kirdi. U institutda yapon va ingliz tillarini o`rgandi. Institut davrida yapon tili talabalariga imtixon topshirish oraqali Yaponiyaga o`qishga borish imkoniyatlari ko`p edi va Zebo imtixonni muvaffaqiyat bilan topshirib Yaponiyaga o`qishga boradi. Lekin Zeboning ko`ngli san`atda bo`lganligi sababli u o`z ijodini boshlashga qaror qiladi.
2006 yil kuz faslida Zebo qo`shiqchilikdagi ilk qadamlarini qo`ydi va uning ilk qo`shiqlari "Eslamayman", "Nega ishondim", "Agar sen" dir. Zebo ijodini boshlaganiga uzoq muddat bo`lmagan bo`lsada u 2007 yili Yaponiya davlatiga ijodiy safar uyushtirib u erda festivalda qatnashdi va so`vrinli o`ringa ega bo`ldi va shu bilan birga Yaponiyaning ikkita shaharlarida katta bo`lmasada o`z koncertlarini o`tkazdi, bu koncertlarda 1000 tadan ortiq yapon tamoshabinlar qatnashdi.
Shu kunga kelib Zeboning 10 tadan ortiq qo`shig`i bor, bularga "Eslamayman", "Nega ishondim", "Agar sen", "Beg`ubor tuygu", "Imkon ber", "Hayotimsan", "Sevgilim", "Baxt", "Sen uchun" va yangi "yonaman" Ravshan Sobirov bilan yozilgan duet tarona misol bo`la oladi. Ular o`z o`rnida sekin-asta muxlislar qalbini o`g`irlay boshladi. Bir qator xorij safarlarida bo`lib, u yerda qo`shiqlariga klip ham suratga tushirib qaytdi. Ayni damda Zebo o`zining ilk albomi ustida qizg`in ish olib bormoqda
|
