Jassi, ya`ni Mona Singh Hindistonning Dejli shahrida tug`ilgan. U muqaddas Mira va Pyun kollejlarida tahsil olgan. “Jassiga o`xshashi yo`q” filmida hunuk qizni ijro etganiga qaramay Mona Singh hayotda go`zal qiz. U aktrisa va model bo`lib faoliyat yuritadi. Uning kinodagi debyuti ham aynan Jassidir.
2005-yilda yaratilgan bu serial Hindistonda xit darajasiga ko`tarildi. Undan tashqari hind moda sanoatida ham alohida e`tiborga sazovor bo`ldi. Mona Singh bu filmda bosh qahramon, ya`ni Jassi obrazini yaratgan. Modalar agentligiga ishga kirgan bu hunukkina qiz o`z harakatlari tufayli nafaqat tashqi ko`rinishini o`zgartiraoladi, balki o`z shahzodasining qalbiga sevgi olovini ham yoqa oladi. Hindistondagi ko`pchilik qizlar unga hatto havas bilan qarashadi.
Mona Singh bu serialda suratga tushishiga qadar modellik bo`yicha ancha-muncha muvaffaqiyatlarga erishgan. Mona kinoda suratga tushish uchun shartnoma imzolaganlarida unga g`alati shartni ham ilova qilishgan. Ya`ni, u ikki yil davomida (serial shuncha davom etadi) ommaviy axborot vositalarida Jassi qiyofasida ko`rinishi kerak. Intervyularni ham Jassining tilidan berishi kerak edi. U shu vaqt davomida o`zining haqiqiy qiyofasini oshkor etmagan.
Ikki yildan keyin Jassi yana sohibjamol Mona ko`rinishida omma oldida namayon bo`ldi. Bu bilan film prodyusserlari o`ziga hos shou qilishmoqchi edi va bu modalar olamiga ham foydali bo`lishini ko`zda tutishgan edi. Harakatlar o`z samarasini berdi. Hozirda ko`pchilik hind qizlari modelyer bo`lish ishtiyoqida.
Quyida sizlarning e`tiboringizga Mona Singh bilan qilingan suhbatni havola etamiz.

Siz o`zingiz yaratgan obrazdan xursandmisiz?
- Ha, men juda xursandman. Men huddi yangidan tug`ilgandek bo`dim.
- Ekranlarda namoyish etilmagan obrazingiz haqida ham qisqacha gapirib bersangiz.
- Men har kuni 22:00 da ekranlarda paydo bo`lar edim. Keyin sochlarimni turmaklash uchun salonga, undan keyin grim qilishga borib, soat 2:00 gacha o`sha yerda bo`lardim. Yana soat 5:30 dan boshlab television obrazga o`tishim kerak. Ko`rib turibsiz-ki, men yangi soch turmagimdan bir necha soatgagina bahramand bo`lar edim holos.
- Hozirgi soch turmagingizga qadar necha marta salonga murojaat etgansiz?
- Juda ko`p marotaba. Hatto sanog`idan ham adashib ketasiz. Men bir kunda ikki martalab ham salonlarga borar edim. Buning ustiga grim xonasida ham ko`p bo`lishimga to`g`ri keladi. Yana bir voqea stomatolog huzurida ekanligimda bo`lgan. Mening tishlarimga maxsus anjom o`rnatilgan edi. Bu tishlarimni hunuk ko`rinishi uchun qilingan. Uni oldirib tashlaganimda tishlarim uzoq vaqtgacha og`rib yurgan. Chunki, men unga o`rganib qolgan edim-da.
- Jassi obrazini yaratishingizda sizga nima qiyinchilik tug`dirgan?
- Kiyimlar va tishlarimdagi anjom. O`shanda milklarim ham qonab ketgan edi. Lekin dialoglar va so`zlarmi yodlash unchalik qiyin bo`lmagan.
- Sizning asl ismingiz Mona emasligi haqida ham eshitib qoldik…
- Ha, mening haqiqiy ismin Jasmit. Mening opamning ismi Sona. Yaqinlarim unga taqlid qilib meni Mona deb chaqirishadi.

- Bo`sh vaqtingizda nimalar bilan shug`ullanasiz?
- Mening bo`sh vaqtimning bo`lishining o`zi qiyin masala. Men huddi mashina kabi ishlayman, doimo yugurib yuraman. Lekin, bo`sh vaqtim bo`lganida karri va rajma tayyorlashni yoqtiraman. Yana… do`stlarim bilan kinoga borishni ham.
- Siz teatrga biror marta Jassining kiyimida borganmisiz?
- Yo`q.
- Jassi Apura Agnixotri va Samir Soniani yoqtiradi. Mona-chi?
- Monani muhabbatga vaqti yo`q. Boshqa ishlarimga ham zo`rg`a ulguryapman.
- Ijodingizni davom ettirasizmi?
- Bu haqda hali o`ylab ko`rganim yo`q. Lekin Bollivud juda keng va hilma-hil. Men kinolardan ko`ra televideniyada ishlashni ma`qul ko`raman.

- Hayotda ham o`shanday hodisa bo`lishi mumkinmi? Ya`ni chiroyli yigit hunuk qizni yoqtirib qolishi… Siz nima deb o`ylaysiz?
- Ha, bunday holat bo`ladi. Mening bir sinfdoshim bitta chiroyli yigitni yoqtirib qolgan edi. Qiz unchalik chiroyli bo`lmagani sababli biz uni orzusiga yetisha olmaydi deb hisoblardik. Lekin ular turmush qurishdi, hozirda juda baxtli.