Корея кино ижодкорлари томонидан тақдим этилган навбатдаги туҳфа- «Денгиз ҳукмдори» сериали ўзбек томошабинининг қизиқишини тобора орттирмоқда. Шу боис бугунги саҳифамизда нафақат Жанубий Корея тарихидан, балки Узоқ Шарқ мозийсидан ҳикоя қилувчи сериалда тўхталдик. Фильм қаҳрамони Жанг Бого ҳақиқий ҳаётда бўлганми? Томошабинда шундай савол туғилган бўлиши, табиий. Тарихий манбаларда ёзилишича, Жанг Бого бундан 1200 йил аввал Шарқий Осиё бозорларида ҳукмронлик қилган. Корея тарихчиларининг гувоҳлик беришича, у Чун Хай шаҳрининг қурилишида ҳам иштирок этган. Шу билан бирга сиёсатчи сифатида Кореянинг Япония ва Хитой ўртасида дўстона муносабатлар ўрнатишига ҳам катта ҳисса қўшган шахсдир.
*Чой Ин Хо Жанг Бого ҳақида асар ёзгач, Жанубий Кореянинг KBC кинокомпанияси уни тасмага туширган.
*KBC кинокомпаниясининг расмий сайтида келтирилишича, «Денгиз ҳукмдори» учун 50 миллиард вон (Ж. Корея пул бирлиги) сарфланган. Саҳна кўринишларининг асосий қисми - Шиладаги офис, меҳмонхона Янчжоу қароргоҳлари сериал учун махсус қурилган.
*Сериал ижодкорлари «Денгиз ҳукмдори»ни дастлаб 30 қисмли бўлишини режалаштиришган. Кейинчалик унга янги образлар қўшилиб, 51қисм- га етказишган.
* 2005 йилда «Денгиз ҳукмдори» Жанубий Корея телевидениесида намо-йиш этилгач, унга бўлган талаб ортиб кетади. Маҳаллий телевидениелардан ташқари, Япония, Хитойда ҳам томошабинлар ҳукмига ҳавола этилади. 2006 йилда Туркиянинг TRT канали ҳам «Денгиз ҳукмдори»ни сотиб олиб, турк халқига тақдим этади. Турк нашриётларида ёзилишича, ўша йили томошабинларнинг аксарияти турк сериалларини эмас, айнан «Денгиз ҳукмдори»ни «Йилнинг энг яхши фильми» деб эътироф этишган экан.
Тан олиш керак, бизда ҳам бу фильм томошабинни телевизор қаршисига «михлаб» қўйди. Унда роль ўйнаган ҳар бир актёрнинг маҳоратига тан берган сериал ихлосмандлари уларнинг ҳаёти ҳақида билгиси келади.
Жанг Бого – Чой Су Жунг.
Туғилган йили: 1962 йил, 28 декабрь;
Бўйи: 174 см;
Маълумоти: Колорадо Давлат Университетини тамомлаган;
Оиласи: Ха Хи Ра исмли актрисага уйланган. Бир қизи ва ўғли бор;
Суратга тушган илк фильми: «Севги дарахти» -1987 йил.
Юнг Хва – Парк Су Ае. Жанг Богонинг севгилиси.
Туғилган йили: 1980 йил, 25 июль;
Бўйи: 168 см;
Санъатдаги исми: Лео;
Қизиқиши: теннис, сузиш.
Ями Хоним – Чай Си Ра. Жанг Бого ва Юнг Хванинг асосий рақиби.
Туғилган йили: 1968 йил, 25 июнь;
Туғилган жойи: Корея Халқ Демократик Республикаси (Шимолий Корея);
Бўйи: 168 см;
Дебюти: 16 ёшида киносаноатга кириб келган;
Маълумоти: Донкгук Университети.
Чае Рюнг - Ли Йеон Хи. Жанг Бого бошлиҚининг қизи.
Туғилган йили: 1988 йил, 9 январь;
Туғилган жойи: Сеул;
Бўйи: 169 см;
Вазни: 46 кг;
2005 йилда «Энг ёш иқтидорли актриса» деб тан олинган.
Юнг Янг – Сонг Ил Кук. Жанг Богонинг яна бир рақиби.
Туғилган йили: 1971 йил, 1 октябрь;
Бўйи: 186 см;
Маълумоти: Ченгжу Университети;
Актёрликдан ташқари: тижорат билан шуҚулланади. «Yes Asia» супермаркети бор;
2005 йилда KBC кинокомпанияси томонидан «Йилнинг энг яхши актёри» деб топилди.
