 San'atimiz primadonnasi ustozi, barcha yakkaxon konsertlari rejissyori Abdurashid Rahimovning vafoti munosabati bilan qattiq qayg'uga botdi. Ko'z yoshlar to'kdi. Rejissyorning oila a'zolariga telefon orqali chuqur ta'ziya bildirdi.
-Men uchun Abdurashid akaning vafoti katta yo'qotish. Bu insonning ko'p san'atkorlarga foydasi tekkan. Uning maslahatlari, boy fantaziyalari bilan konsertlarim juda fayzli o'tgan. G'ayot shu ekan... Nailoj. Yo'qotamiz, ko'z yoshlar to'kamiz, achinamiz, afsuslar chekamiz...Qabrlariga nur taralsin, -deydi, Yulduz biz bilan muloqotda.
Ijodiy yangiliklar borasida to'xtalsak, Usmonova turkiya TVsida jonli intervyularning aziz mehmoni bo'lishda davom etyapti. Savollar turfa, biroq, primadonnani gap bilan lof qilib bo'larmidiq! Teleboshlovchilar har gal suhbatdan so'ng shouni bu qadar qiziq o'tkazib bergani uchun xonandaga minnatdorchilik bildirishyapti. Axir, ijod borasidagi haqiqatlarni ro'yi rost gapirish hamma joyda ham birdek e'tiborni tortadi! Yaqinda, yana bir qiziq ma'lumotga ega bo'ldik. Turk san'atining eng mashhur yulduzi Ibrohim Tatlisas Yulduz Usmonovaning eng yaqin insonlaridan biriga taklif bilan chiqdi. Unga ko'ra, u o'zining shaxsiy samolyotini primadonnamizga sotmoqchi ekanligini bildirgan. Biroq, hozircha taklifga javob yo'q! Sherali Jo'rayev bilan bir paytlar suhbat qurganimizda, Ibrohim Tatlisas bilan yaqindan tanish ekanligini aytib, birga tushgan fotosuratini ham ko'rsatgandi. Xulosa o'rnida shuki, Tatlisasning san'atimizda tan oladigan ikkita yulduzi bor!
Ko'plab muxlislar uchun bu yil 12 dekabr kuni Yulduz Usmonova tug'ilgan kunini qayerda o'tkazishi juda qiziqtiradi. Axir, ashaddiy muxlislar uchun bu kun bayram va shouga aylanadi! Ma'lumotlarga qaraganda, tug'ilgan kunida xonanda hamkorlik qilayotgan turkiyalik ijodkorlar ular bilan bir davrada bo'lishini aytib, holi joniga qo'yishmayapti. Yulduz esa 12 dekabr kuni o'z Vatanida bo'lish istagida! Primadonna qayerda tavallad kunini nishonlamasin, hammamiz unga chin ma'nodagi baxtni tilab, qalbimizdagi ilhaq sog'inchlarni yo'llayveramiz!
Darvoqe, mobodo tug'ilgan kun o'zga yurtda bo'lsa-da, bir guruh eng taniqli san'atkorlar va ashaddiy muxlislar qutlash uchun shay turishibdi!
Jasur Xamroev
|
