Tabiatni allalaydi tun,
Orzu uxlar oqshom qo`ynida.
Uxlolmaydi faqat bir ko`ngil,
Ne tashvishi bordir bo`ynida.
Muhabbatdan chiqmaydi bir sas,
Oqshom ila yo`rg`alar ohi.
Unga oshno panoh kerakmas,
Sevganidir uning nigohi.
Yashar mudom yurakda bir dard,
Ul dard ila egilar bori.
Leki ko`ngilga yuqtirmaydi gard,
Muhabbati uning-chun ori.
G`ururini yengolmas dadil,
Baxtli damni orzu qilsa bas.
Til aytolmas, sozlar faqat dil,
U sevgi-la doim hamnafas!