Бир неча дақиқалар олдин Олимпиада-2012 саралаш босқичининг гуруҳ баҳсларидаги ЎЗбекистон – Ироқ ўйини якунланди.

Ўйинда вакилларимиз 2:0 ҳисобида ғалаба қозонишди. Дастлаб 70-дақиқада бир дақиқа олдин майдонга тушган Кенжа Тўраев тўпни Темурхўжа Абдухолиқовга етказиб берди, терма жамоа ҳужумчиси 7-8 метрлардан ҳимоячилар қуршовида бўлишига қарамай зарба берди ва – 1:0.

Орадан 8 дақиқа ўтиб Абдухолиқов Тўраев олдидаги "қарзини узди”. Темурхўжа жарима майдонига яқинлашиб келди ва Зидан услубида ҳимоячини алдаб ўтиб дарвозага зарба берди, тўп ҳимоячига тегиб Кенжа Тўраев оёқлари остига бориб тушди. Тўраев эса бўш қолган дарвозани нишонга олишда адашмади.

Кечаги матбуот анжуманида ироқликлар устози Ради Сауди бу ўйини мураббийлар жангги дея атаганди. Бу жангда Вадим Абрамов ғолиб чиқди.

Гуруҳимиздаги иккинчи ўйинда Австралия ва БАА нурсиз дуранг ўйнашган. Шундай қилиб Ўзбекистон 1-турдан кейин гураҳ пешқадами бўлиб турибди.

Олимпиада-2012 саралаш босқичи. С гуруҳи. 1-тур.

ЎЗБЕКИСТОН – ИРОҚ – 2:0 (0:0)
Голлар: Темурхўжа Абдухолиқов, 70 – 1:0. Кенжа Тўраев, 78 – 2:0.

Ўзбекистон: Санжар Қувватов, Абдуқаҳҳор Хожиакбаров, Акбар Исматуллаев, Ислом Тўхтахўжаев, Ойбек Қиличев, Жавлон Иброҳимов (Дилшод Раҳматуллаев, 64), Салим Мустафоев, Павел Смоляченко (Кенжа Тўраев, 69), Жасур Ҳасанов (Олег Зотеев, 84), Темурхўжа Абдухолиқов, Фозил Мусаев.

Ироқ: Ҳассан Ҳаким, Жасим Нафил, Фадхил Муҳаммад, Аҳмад Иброҳим, Абдуламир Луаиби, Карим Мухаисен, Радхи, Саид Межбел, Ҳасан Ҳаким, Аҳмад Абдуламир (Мухаймин Самин, 60), Сабаҳ Жоир (Абдулзахро Обайд, 61), Исмоил Довуд.

 

С гуруҳи