Британиянинг The Times газетаси сўнгги ўн йилликнинг энг нуфузли 50
кишиси рейтингини тузди. Рўйхатга сиёсатчилар, ёзувчилар, актёрлар,
спортчилар ва бошқа соҳалар қаторида IT-соҳа вакиллари ҳам киритилди.
Google компанияси асосчилари Ларри Пейж ва Сергей Брин 8-ўриндан,
Facebook асосчиси, 25 ёшли миллионер Марк Цукерберг 9-ўриндан жой олди.
Шунингдек, Apple корпорацияси раҳбари Стив Жобс (15-ўрин), Amazon
раҳбари Жефф Безос (17-ўрин), YouTube асосчилари Стив Чен, Чад Херли ва
Жавед Карим (27-ўрин), Twitter асосчилари Жек Дорси, Биз Стоун ва Эван
Уилямслар (42-ўрин) шундай шарафга лойиқ деб топилдилар.
