Алишер Навоий номли кино саройида «Vali-shams» хусусий корхонаси томонидан суратга олинган «Ўғлон ёхуд тикланган оила» номли 96 дақиқали бадиий видеофильмнинг журналистлар учун ёпиқ намойиши бўлиб ўтди. 

Фильм ҳақида:

Режиссёр: Мўмин Эргашев

Сценарий муаллиф: Шароф Бошбеков

Жанри: саргузашт-детектив

Ролларда: таниқли актёрлардан - Валижон Шамсиев, Муҳаммадисо Абулхайров, Лола Элтоева, Ҳамид Тошпўлатов, Зилола Абдураҳмонова

Фильм воқеалари: Тошкент, Андижон, Нукус, Бухоро шаҳарларида суратга олинган

Бастакор: Ҳожиакбар Маллабоев

Сюжет: Картинада журналистларнинг мустақилликдан олдинги ва айни пайтдаги журналистларнинг машаққатли фаолияти, уларнинг қизиқарли ҳаёти ва кечинмалари ҳақида ҳикоя қилади.

Ютуқ:

*Фильмда теша тегмаган деб бўлмаса-да, ҳар ҳолда оҳори тўкилмаган мавзу қаламга олинган.

*Бундан ташқари, картинада рол ижро этган барча актёрлар тажрибалисидан тортиб, дебютантларигача ўз ижроларини ўта маҳорат билан ижро этишган.

*Картинадаги баъзи лавҳалар ҳинд фильмларини эслатса-да, ундаги жанг саҳналри анча табиий ва ишончли чиққан.

* Шамсиевнинг қаҳрамони – Сардорнинг ёшлигини унинг ўз ўғли ўйнаган ва айнан унинг ижроси томошабин олқишига муносиб.

*Мусиқа ва қўшиқлар фильмнинг топошабоплигини таъминлаган.

Камчилиги:

*Мустақилликдан олдинги ҳаёт элементлари етарли даражада берилмаган.

*Бола отаси билан орадан 14 йил ўтиб учрашганда уни мутлақо танмаслиги томошабинда ишончсизлик уйғотади.

*Айрим саҳналар бироз чўзилгандай...

Хулоса: "Ўғлон” картинасини бачканликлардан холи, топошабоп, фильм бўлган дейиш мумкин.



MISS SITA