Atom bombasi – Uylangan erkaklarning o’ylab topgan so’nggi najot yo’li.

Xo’jayin – Vaqtli kelsang "nega erta kelding” deb, kech qolsang "nima sababdan kechikding” deb tanbeh beradigan shaxs.

Tamaki – Inson hayotini o’lim bilan bog’lovchi qog’oz bilan bezalgan zahar.

Shifokor – Insonning cho’ntagiga qarab dardini aytib beruvchilar toifasi.

Notiq – Hammaga ovqat bir xil taqsimlansa ham o’zining ovqati ko’pligiga ishontiruvchi shaxs.

Konferensiya – Hamma gapiradigan, ammo hech kim eshitmaydigan majlis.

Va hokazo – Kallasi aqlli fikrlarga to’lib ketgan odamning ishlatadigan so’zi.

Tajriba – Insonning hayotdagi qoqilgan zinalari.

Va’da – Holvaning og’iz chuchimaydigan turi.

Bo’sa – Xamir uchidan patir.

Ayb – Bandalarga xos xislat.

Ota – tabiiy bank.

Ona – bank qo’riqchisi.

O’g’il – Kredit oluvchi shaxs.

Aka – ishonilgan tog’.

Kulgi – Insonning portlashi.

Idora – Uy tashvishlari bilan charchagan vaqtingizda sizni boshqa tashvishlar bilan chalg’ituvchi muassasa.

Optimist – Eyfel minorasi qulasa, "yaxshiyam hech kimga ziyon yetmadi” deydigan odam.

Pessimist – ob-havo so’zidagi birinchi "o” harfini emas, oxirgi "o” ni yoqtiruvchi inson.

Riyo (ikkiyuzlamachilik) – Cho’milmoqchi bo’lgan odamni daryoga uloqtirib yuborib, yaxshilik qildim deb gerdayuvchilar toifasi.

Faylasuf – Tirikligida aytgan so’zlari boshiga balo bo’lgan, ammo o’lgandan so’ng tushunib yetilgan shaxs.

Tabassum – Kaliti yo’qolgan qalb qulfiga mos keluvchi mukammal kalit.

Vijdon – Sotishga ashyo topilmaganda, ba’zi birovlarning sotadigan so’nggi ilinji.

Giyohvand – Badavlat otaning bedavlat bolasi.

Klassik asar – Hamma ko’tarib yuradigan, ammo hech kim o’qimaydigan kitob.

Lug’at – Bo’ydoqlarning birinchi quroli.

Uylanish – Kishanlangan mahbus.

Ajrashish – Uylanish fe’lining kelasi zamonda tuslanilishi.

Eshnash – Leksiyaga qo’yilgan baho.

Anaqa – Skleroz kasalligining birinchi belgisi.