Футбол ўйнар жуфт жамоа шу онда,
Куздан қўрқиб сарғайган бир майдонда,
Мудраб ётар мухбир-дўстим чап ёнда –
Негадир у шу ишлардан бехабар. Ҳар ким қараб уйғотишга ҳайиқар,
Ривалдони туш кўряпти бу сафар,
Ўнгда эса футболимиз кўп камтар,
Негадир у шу ишлардан бехабар. Юмуқ кўз-ла режаларни тузади,
Японлар-у Баҳрайнни бузади,
Бу тушлигин замон келиб сезади –
Ҳозирча у шу ишлардан бехабар. Ўнгимизда нима мавжуд, нима бор?
Абгор Хоразм-у, пулсиз Бунёдкор,
Одилга ҳеч топилмас тузук харидор,
Негадир у шу ишлардан бехабар. Абрамовнинг кетишин қилиб овоза,
Бедор бўлганида ёзганди роса,
Вадим қолди - мана сизга иш «тоза»,
Ҳозирча у шу ишлардан бехабар. Уни кўриб бошқалар ҳам эснашар,
Бу футболга мудроқ мухлис ярашар,
ЎФФда «уже давно» ухлашар,
Негадир у шу ишлардан бехабар. Уйғот уни, уйғотсангчи Франкфурт,
Уйқу билан ривож топмас ҳеч бир юрт,
Гапларингни эшитмаса қаттиқ турт,
Токи бўлсин у ишлардан бохабар!
|
