Yoshlarimiz orasida mashhur guruhlardan biri "Fayoz", yaratayotgan qo'shiqlari bilan o'ziga yarasha muxlislar orttirishga ulgurgan. Guruh a'zolari Oybek va Sherali yaqindagina erkatoy singlisini turmushga uzatishdi...
"Fayoz" guruhi yigitlari bundan ilhomlanib, singillariga bag'ishlab "Yor-yor" nomli yangi tarona yaratishdi. Qo'shiq so'zi va musiqasi guruh prodyuseri YAKzoN qalamiga mansub. Musiqiy sayqal bastakor Jakhongir.Uz tomonidan amalga oshirilgan. "Yor-yor" taronasi "Studio.Uz" ovoz yozish studiyasi mahsuloti. Tarona barcha akalardan singillarga bag'ishlanadi. Ayni damda "Fayoz" guruhi ta'tilda! Nima sababdan ta'tilda ekanligini ta'til tugagandan keyin ma'lum qilishligini aytib o'tishdi.
