XV Осиё чемпионати ярим финалчилари - Ўзбекистон терма жамоаси делегацияси Ватанимизга қайтмоқда.
Осиё чемпионатида Сизу-бизни хушнуд этиб, қитъамизнинг энг кучли тўртта жамоаси қаторига кира олган вакилларимизни Тошкент халқаро аэропортида жонкуяр мухлислар муносиб қарши олишга тайёргарлик кўришмоқда.
Ўзбекистон терма жамоаси делегацияси 31 январь куни Доха-Дубай-Тошкент йўналиши орқали мамлакатимиз пойтахтига маҳаллий вақт билан 17:45да етиб келади.
Жуда кўплаб ишқибозлар сайтимиз орқали бизга мурожаат қилишиб, терма жамоамизни муносиб кутиб олишмоқчи эканликларини таъкидлашган. Демак, эртага барчани Тошкент халқаро аэропортида кутиб қоламиз.
