Avvalgi yangiliklarimizda taniqli klipmeyker Yodgor Nosirov Sharq
Sinema bilan hamkorlikda "Taqdir o'yini" nomli kartinasi ustida ish
olib borayotgani haqida to'xtalib o'tgan edik. Kartina haqida batafsil
ma'lumot olish uchun Yodgor Nosirovga murojat qildik.
Yodgor
Nosirov kartina ishchi nomi "Taqdir o'yini" o'zgarganligi va endi u
"Xijron" nomi ostida muxlislar hukmiga havola qilinishini aytib
o'tdilar. Nomi o'zgargani ma'lum bo'lgach, film uchun maxsus kompozitor
Shuxrat Zokirov ijodiga mansub musiqaga Shaxzod guruxi solisti Rashid
Xoliqov tomonidan soundtrek kuylanayotgani esa filmga bo'lgan
qiziqishni yanada oshirsa ajab emas. Shu kunlarda Yodgor Nosirov
film montajini yakunlab, ovoz berish ishlarini boshlab, filmni yanada
yaxshi chiqishi uchun bosh qotirmoqda. Taxminlarga ko'ra film fevral
oyi boshida muxlislar hukmiga havola etilishi kutilmoqda.
Yana bir yangilik sifatida esa film uchun ishlangan qaynoq treylerni sizga taqdim etamiz.
