Главная » 2009»Октябрь»6 » “SUNAMI – 2”: tomoshabin e`tiborini torta olarmikan?
08:58
“SUNAMI – 2”: tomoshabin e`tiborini torta olarmikan?
Bundan ikki yil avval kinoteatrlarimizda “Sunami” filmi muxlislar e`tiboriga havola etilgan edi. Sarguzasht janrida suratga olingan bu film ko`pchilik kino ixlosmandlarining e`tiboriga tushgandi ham… Ayni kunlarda ushbu filmning davomi suratga olinganligi haqida xabar tarqaldi. “bayram film” kinostudiyasi tomonidan suratga olingan “Sunami - 2” filmi hademay katta ekranlarga chiqishi rejalashtirilgan. Agar yodingizda bo`lsa ushbu filmning birinchisida bosh qahramonlardan birini taniqli honanda Sevinch Mo`minova ijro etgan edi. Uning ijrosi tomoshabinlar olqishiga sazovor bo`lgan. Ammo, bu safar filmda Sevinch Mo`minovani ko`rmasligingiz aniq. Negaki uning o`rniga boshqa aktrisa tanlandi. Yosh va umidli honanda Sitora Farmonova uning o`rniga bosh rollardan birini ijro etmoqda. Rejissyorning fikriga qaraganda bu safar jangari va o`ta murakkab sahnalar judayam ko`p bo`lganligi uchun ham bosh rolga boshqa aktrisa topish lozim bo`lgan. Bu borada sportdan ancha-muncha xabardor aktrisa Sitora Farmonova bu rolni uddalay oldi. Bugungi kun kinosida melodrama va komediya janrlari ilgarilab ketayotgan bir paytda sarguzasht janri ham tomoshabinlar e`tiborini torta olarmikan? Bu haqda keyinroq… Ma`lumot: Film rejissyoti: Farid Davletshin. Film janri: sarguzasht. Ssenariy muallifi: Abdurahmon Davlatov, Valeriy Gusif, Farid Davletshin. Filmda ishtirok etgan aktyorlar: Murod Rajabov, Sitora Farmonova, Sanjar Azizov, Jamila Azizova, Baris Davletov.
