Sochlarimiz sog`lom ko`rinishda, jiloli bo`lishini istaymiz. Lekin negadir bunday bo`lmaydi. Balki sochlar parvarishida biror xatolikka yo`l qo`yayotgandirmiz? Foydali deb amal qilayotgan ba`zi muolajalar aksincha, zararlidir?

1. AFSONA.
"Yuz marta tarashning sehri".
Sochlarni taroqda yuz marta sanab taralsa, ular yaxshi o`sib, qalinlashadi deb hisoblangan bu "retsept" haqida eshitgandirsiz, ehtimol.
Aslida sochlarni zo`r berib, qayta-qayta tarash (ayniqsa, uzun sochlarni), soch follikulalarining zaiflashishiga olib keladi. Albatta sochlarni tarabb turish kerak, lekin zarur paytdagina.

2. AFSONA.
Maxsus vositalar shikastlangan soch uchlarini davolaydi.
Maxsus sepmalar muntazam qo`llab turilganda shikastlangan soch tolalarini asl xoliga qaytarishi mumkin.
Aslida shikastlangan, yorilgan soch tolalarini davolab bo`lmaydi: ular qayta tiklanmaydi. Maxsus vositalar yordamida yorilgan soch tolalarini vaqtinchalik "yopishtirib" turish mumkin - sochlar yuvilgandan so`ng yorilgan tolalar yana o`sha holiga qaytadi.

3. AFSONA.
Qancha ko`p kestirsangiz, sochlar shuncha tez o`sadi.
Sochlar qirdirib olib tashlansa, qalin bo`lib o`sadi. Sochlarni tez-tez kaltartirib tursangiz, tezroq qalinroq sochlarga ega bo`lasiz.
Aslida sochlarning qalinligi (ya`ni follikulalarning soni) irsiy jihatlarga bog`liq bo`ladi. Na kaltartirish, na sochni qirdirib olish va na zamonaviy vositalar soch ildizlari sonini oshirmaydi. Soch kestirish sochlarning o`sish tezligiga ham ta`sir ko`rsatmaydi.

4. AFSONA.
Vegetariancha parhez sochlar uchun foydali.
Bunday parhezda organizm tozalanadi, demak, sochlarning ko`rinishi ham yaxshilanadi. Vitaminlar qabul qilish go`sht, tuxum va sut mahsulotlarining o`rnini bosadi.
Aslida hech qanday vitaminlar to`plami to`laqonli ovqatlanishning o`rnini bosa olmaydi. Sizning kundalik taomnomangizda albatta oqsilli ovqatlar bo`lishi kerak, faqat salatlar bilan yetarli quvvat olib bo`lmaydi.

5. AFSONA.
Soch yuvish vositalarini tez-tez almashtirib turish kerak!
Shampunlarni muntazam o`zgartirib turish shart, chunki sochlar bitta vositaga "o`rganib" qoladi va uning nafi bo`lmay qolishi mumkin.
Aslida unday emas! Sochlaringizga mos keladigan shampundan istaganingizcha foydalanishingiz mumkin.

6. AFSONA.
Sochlarni muzdek suv bilan chayish karak.
Shunda sochlar chiroyli, mayin va jiloli bo`ladi.
Aslida sochlarni muzdek suv bilan chayib, faqat tumov orttirib olishingiz mumkin. Sochlarni yaltiratish uchun proteinli balzamlardan foydalaning.

7. AFSONA.
Yuvilgan sochlarni yaxshisi oftobda quritish kerak.
Ko`pchilik soch soch qurituvchi vositadan ko`ra sochlarni quyosh nurlariga tutib quritishni ma`qul deb biladi.
Aslida sochlarni tabiiy issiqlikda quritish juda yaxshi, lekin soch tolalarini quyoshdan taraladigan ultra-binafsha nurlaridan qanday saqlash mumkin ? Ayniqsa shahar sharoitida quyosh nurlari chang bulutlariga qorishib ketgan bo`lsa? Sochlarni fenda quritganda haroratning qaynoq emas, iliq bo`lishiga e`tibor bering.