| Статистика |
XOZIR SAYTDA 6 MEXMON 6 FOYDALANUVCHI 0 |
|
 | |  |
| Главная » 2009 » Октябрь » 26 » СКОЛАРИ: «КЛУБ ОЛДИДА ЮЗИМ ЁРУҒ БЎЛДИ»
20:27 СКОЛАРИ: «КЛУБ ОЛДИДА ЮЗИМ ЁРУҒ БЎЛДИ» |
|
"Бунёдкор"-"Локомотив" ўйинидан сўнг “Бунёдкор” бош мураббийи анжуманлар залига қўлга киритилган Чемпионлик кубоги билан бирга кириб келди.
- Учрашув биз учун осон кечди, деб бўлмайди. Ўзингиз кўрдингиз, “Локомотив” ҳисобни очди. Ўйинни бир маромда ушлаб тура олди, - дейди Луиз Фелипе Сколари. – Тез гол бизнинг ўйинимизни бузиб юборди. Биринчи бўлимнинг ўзидаёқ тўртта-бешта имкониятларга эга бўлдик. Аммо уларни голга айлантира олмадик.
“Локомотив” эса яхши жамоа эканлигини исботлади. Рақиблар ўйинини жуда яхши сўзлар билан таърифлаган бўлардим. Очиғи, бугун дурангга муносиб ўйин бўлганди.
- Сиз учун Ўзбекистондаги чемпионликнинг ҳам аҳамияти каттами?
- Албатта. Бундан хурсандман. Бу менинг фаолиятимдаги 17-совриндир. Уларнинг ҳар бири мен учун муҳим. Мен олти йил миллий терма жамоаларда ишладим. Сўнг яна клублар билан ишлашга қайтдим ҳамда аввал “Челси” ва мана, “Бунёдкор”да меҳнат қилиб келяпман. Фаолиятимдаги навбатдаги совринни – яъни бугунги Чемпионлик кубогини орзиқиб кутаётгандим. Энди клубим олдида менинг юзим ёруғ. Аммо Ўзбекистондан ташқарида ҳам катта ғалабаларга эришиш учун ҳали яна кўп ишлашимиз даркор.
- Жорий чемпионатда сиз учун энг қийин учрашувлар қайсилари бўлди?
- Икки ўйинда бизга анча оғир бўлди. Биринчиси – “Пахтакор” билан биринчи даврадаги баҳсимиз. Бу ўйинда, эсласангиз керак, биз 10 киши бўлиб тўп сурдик. Иккинчиси эса – Олмалиқдаги учрашув. Биз охиригача курашишни тўхтатмаганимиз учунгина дурангга эришдик шу куни.
- Жамоага янги футболчиларни таклиф этасизми?
- Буни вақт кўрсатади. Аммо баъзи позицияларимизни кучайтиришимиз лозим.
- Яқинда сизни Туркия клубларига таклиф этишгани ҳақида ахборот тарқади...
- Мен ҳам буни эшитдим. Аммо бундай масалалар билан менинг агентим шуғулланади. Ўзим эса, кўриб турганингиздек, айни дамда “Бунёдкор”даман. Менинг барча ўй-фикрларим ҳозир “Бунёдкор” билан боғлиқ.
|
|
Категория: Новости Футбола |
Просмотров: 881 |
Добавил: JAVOXIR
| Рейтинг: 0.0/0 |
Добавлять комментарии могут только зарегистрированные пользователи. [ Регистрация | Вход ] | |
|
|
