ERKAKLAR KO'RINISHI HAQIDA 4 FIKR

Samandar, xonanda, aktiyor, rejisser

1.Erkak kishi uchun ham ko'rinish juda muhim. Negaki, har bir inson kimgadir havas qiladi va o'shandek bo'lishga intiladi. Buning uchun sport bilan shug'ullanib, doimo navqiron ko'rinish muhim.

2.Libos tanlayotganda esa bo'y hajmini hisobga olaman. Noqulay kiyimlar chiroyli gavdani berkitib qo'yadi.

3.Liboslarimni doim bir-biriga mos holda kiyishga harakat qilaman.

4.Sochlarni ham aynan tanlangan libosga mos holda tarash muhim, ayni kunda bu shou-biznesda juda ommalashgan holat bo'lib qoldi.

IMIDJ YARATISHNING 4 USULI

Nargiza Raupova, teleboshlovchi

1.Imidjim bo'yicha faqat o'zim ishlayman. Kostyum va bluzkalarga ko'proq ahamiyatli bo'lishga intilaman. Bunda albatta yuz tuzilishim va harakterim yaqqol aks etishi lozim.

2.Tanlangan libosimga monand soch turmagi va makiyaj qilaman. Bu insonning didi chakki emasligini bildiradi.

3.Har doim kasbingiz nuqtai nazaridan kiyinishingiz muhim. Televidenieda ishlaganim bois, jiddiyroq kiyinishim shart. Ochiq-sochiq yoki tomoshabinni jalb qiladigan liboslar kasb qoidalariga to'g'ri kelmaydi. Tomoshabinning diqqati, kiyimimizda emas, o'qiyotgan narsamizda bo'lishi lozim.

4.Ishdan tashqari esa qomatingiz va ko'rinishingizga mos liboslar o'zingizga imidj yarating. Men ishdan tashqarida ham liboslarimdagi jiddiylikni saqlab qolaman. Bu esa tomoshabin ko'zi o'rgangan holatdan chekinmaslik degani. Ikki xil tavassur insonga to'g'ri baho bermaslikka olib keladi.

URFGA TAQLID QILMASLIKNING 4 FOYDASI

Alisher UZOQOV, aktyer, xonanda

1.Ko'pchilik bugun mana bu narsa "moda" bo'lgan deb boshqalardan ko'rgan libosni xarid qiladi va o'shani kiyib yuradi. Ammo bu bilan o'ziga e'tiborsiz ekanligini ko'rsatadi, xolos.

2.Har qanday "moda" eng avvalo stilist va dizaynerlar "tashxisi" bilan qo'llanilsa, maqsadga muvofiq. Nega desangiz, u sizning tuzilishingizga mos liboslarni tanlay oladi.

3.Aksariyat hollarda, kimgadir taqlid bilan tanlangan libos, soch turmagi yoki imidj xarakterlarining mos emasligi bilan ham ajralib qoladi. Demaki, sipo odamga zamonavi sport yo'nalishidagi liboslar yarashmasligi tabiiy.

4.Eng yaxshi yo'l bu o'zingizni o'rganish yo'li. Siz qanday ko'rinishda o'zingizni ko'ra olishingiz bilan birga, yarashadigan ishni qilishni o'rganing. Shunda sizga nisbatan atrofdagilar fikri o'zgaradi. Bu esa o'zingiz bo'lgan hurmatni oshiradi.