Шароф Муқимов ўзининг "О Лайли” қўшиғига хорижда клип суратга олмоқчилигини билдирган эди. Яқинда у хорижий давлатларнинг бирида бу ниятини амалга ошириб қайтди. Клипда Севинч Мўминова суратга тушди. Клипмейкер эса Шароф Муқимовнинг ўзи. "Бу менинг илк режиссёрлик ишим бўлди, — дейди Шароф. — Анчадан бери орзу қилардим шу ишга қўл уришни. Ўзим асли шу соҳа бўйича ўқиганман-ку”. Бундан ташқари, Шароф Муқимов янги фильмлардан бирига саундтрэк куйлаш билан бирга ўзининг янги қўшиқларидан бирига клип суратга олдириш ниятида. Бунинг учун у рақс машғулотларига қатнамоқда. "Ҳозир рақобат кучли. Анчадан бери клип чиқарганим йўқ. Шу боис яхши клип ишлаб, раққослар билан бирга ўзим ҳам рақс тушмоқчиман”, — деди хонанда.
