|
Шак-шубҳасиз, мен учун диним энг олий мақомда туради. Ҳижобим эса спорт билан шуғулланишда ҳалақит қилмайди. Одамларнинг ҳижоб хусусида айтаётган гапларига парво қилмайман. Шунингдек, рўза ҳам қийинчилик туғдирмайди, рўзадаги очлик ва чанқоқлик ҳам менга салбий таъсир қилмайди. Мен фақат Роббимнинг розилигини ўйлайман. Ардо қли бўлиб, бошимни баланд кўтариб юришимга сабаб мана шудир. Американинг Массачусетс штатида истиқомат қилувчи, академик лицей тарихида гол уриш бўйича рекорд ўрнатган баскетболчи Билқис Абдулқодир қизи муслима эканлигидан, Ислом таълимотларига амал қилишга иштиёқманд эканидан ҳамда аксарияти христианлар бўлган диёрда тўп уриш бўйича муваффақият қозонганлигидан фахрланишини айтди.
Билқис www.islamonline сайтига берган интервьюсида рўза тутишига ёрдам беришаётганлиги учун атрофдагилардан миннатдор эканини айтди. У баскетболда тўпурарлик бўйича Массачусетс штати тарихида энг олий даражага эришди – тўпни 2.710 масофадан туриб саватчага бехато туширди.
У машҳур баскетболчи бўлишни, муслималар орасида эса ҳижоб ўраш бўйича намуна бўлишни ният қилганлигини айтиб: «Иншааллоҳ, келажакда муслималар турли спорт ўйинларини мукаммал эгаллайдилар, ҳижоблари эса орзуларини қўлга киритишда асло тўсқинлик қилмайди», деди.
Ҳозирда у биологияга ихтисослашган академик лицейда ўқимоқда. Келажакда эса таҳсилни тиббиёт билим юртида давом эттирмоқчи.
Билқис оилада етти фарзанднинг энг кенжаси экан. «Динимнинг арконларини адо этиш йўлида ҳар қандай қийинчиликни енгиб ўтишга тайёрман, - дейди у. - Чунки диним - азизлигим сабабчисидир. Шунинг учун ибодатни спортга алишмайман».
Билқис ҳижобга қандай кирганлигини қуйидагича ҳикоя қилади. Ёшим 14 га етганида онам: «Сен ҳам опаларинг каби баданингни ёпиб юришинг, ҳижобда бўлишинг шарт», дедилар. Шундан кейин ҳижобга кирдим. Биринчи куни бироз қийин кечди. Лекин ёшлигимдан дугоналаримга катта бўлганимда ҳижобда юраман, деб гапириб юрар эдим. Шунинг учун мактабга биринчи марта борганимда ҳам ҳижобда борганман.
Билқис нинг довруғи АҚШ президенти Барак Обамага ҳам етиб борди. У Оқ уйда мусулмонлар ҳайъати уюштирган ифторликда ҳазиллаш иб : « Бўйи 5 , 5 футдан ошмаган лицей ўқувчиси улкан ғалабаларни қўлга киритибди. Билқис , қаердасан ? Ўрнингдан тур, бошқалар ҳам сени таниб, ошиғи катта туфли кийишингни билиб олсин. Билқис - илҳом кишиси. У спорт да ҳаммага намуна бўлди . У нафақат муслималар , балки барчамиз учун қадрлидир», деди.
Обаманинг эътиборига тушган Билқис: «Президент ҳузуридаги учрашувдан асло фахрланмайман. Бу аввало Аллоҳнинг фазл-марҳамати. Қолаверса, ота-онам менга ўргатган тавозуъ хислатидир”, деди.
| 
