1) Muhabbat - ilohiy tuyg'u. U kechirimli, bariga chidaydi. Haqiqiy sevgi sizni hech qachon tark etmaydi. Sevgi hech qachon foyda ko'zlamaydi. Orzular va his-tuyg'ularni yagona inson bilan bog'lab turuvchi rishta - bu muhabbat. Ba'zida sevgining ko'zi ko'r bo'ladi. Hech qanday kamchiliklarni ko'rmaydi. Ba'zida esa sevgi qahrli bo'ladi+ Yana ko'p hollarda azob beradi, ozor chekishga majbur qiladi, qalbda jarohat qoldiradi va bu jarohat anchagacha bitmaydi+
Sevgi hayolingizga keltirmagan ishlarni amalga oshirishga undaydi, ahmoqona yo'l tutishga majbur qilib qo'yadi.
Sevgi haqida juda ko'p yozish, gapirish mumkin. Zero, muhabbatning chegarasi yo'q. Har bir insonning sevgi tarixi o'ziga yarasha qissa.
2) Baxt - qalbdagi tinchlik va osoyishtalik.
3) Orzu - erishishni istayotgan narsangiz. Eng yaxshi orzu - bu amalga oshadigani.
4) Yurak - inson tanasining bir a'zosi. Shuningdek, qalb yashaydigan joy.
5) Qalb - men uni o'lmas tanaga qiyoslayman. U juda ham ta'sirchan va tezda jarohatlanadi. Bizning qalbimiz - bu menimcha bizni o'zimiz. Inson ichidagi ulkan samo!
6) Qizil gul - ayniqsa bu atirgul bo'lsa, sevgi izhorini anglatadi.
7) Bo'sa - bu ajoyib!
8) Do'stlik - ishonch. Hayotning har bir lahzasida bu insonga suyansang va ishonsang bo'ladi.
9) Yolg'on - har doim hafagarchilik va ko'z yoshlari. Senga bo'lgan ishonchsizlik.
10) Rashk - muhabbatni mayda-mayda bo'laklarga ajratib yuboruvchi his. Ishonchsizlik va qaysidir jihatdan seni kamsitishlari.
11) Uchrashuv - to'lin oy ostidagi romantik uchrashuv.
12) Ayiriliq - qalb azobi. Hayotdagi eng og'ir kunlar. Ko'ngil qolishi.
13) G'am - hayollarga berilib, o'tgan og'ir damlarni yodga olish.
14) Sog'inch - bu hissiyotni faqat bir insonga nisbatan his etish mumkin.
15) Dard - bu inson ichidagi his. Asrab kelayotgan tuyg'ularingga tegib ketadi.
16) Hayol - bu insonni o'ziga bog'lab qo'yadigan bir kechinma. Hayol og'ushida nimalarnidir o'ylashga majbur bo'lasiz.
17) Vijdon - bu hisni hudo sen bilan gaplashganda sezasan. Ya'ni, tana ichidan chiquvchi ovoz.
18) Ishonch - bu biror insonga qalbing tubidagi eng nozik sirlaringni bemalol aytishingdir. Ishonchni qadrlash lozim, chunki uni yoqotish oson.
19) Umid - hatto eng umidsiz hollarda ham umid oxirgi bo'lib seni tark etadi.
20) Uzuk - chegarasiz muhabbat ramzi.
21) To'y - yakuniy qaror, ikki sevishgan qalbning birlashuvi. Bu oila qurish demakdir!
22) Yaxshilik - bu biror insonga yoqimli va foydali ish qilish. Faqat buni orqasidan foyda ko'zlanmasligi lozim.
23) Vafo - bu vafo, chin yurakdan ishonish.
24) Xiyonat - bu gunoh.
25) Aql - bu insonning idroki. Bu ibora o'z ichiga juda ko'p ma'nolarni qamrab oladi. Jumladan, intellekt, o'qimishlilik va hakazo.
26) Ilk muhabbat - menimcha bu inson hayotidagi eng yorqin hissiyot. U seni bir umr ta'qib qilib yuradi. Agar bilsangiz ko'p odamlar o'zining ilk muhabbatini doim eslaydi. Ilk muhabbat -qaysar, o'jar va biroz ahmoqona bo'ladi. U har qanday majburiyatlarga qarshi boradi.
27) Sevimli inson - bu sen uchun eng qadrli va eng ezgu hissiyotlarni his qiladigan insoningdir. Qalb har doim u tomon talpinadi.
28) Muhabbat haqidagi eng yaxshi qo'shiq - Uitniy Xyustonning I will always love you" qo'shig'i. Bu dunyo miqyosidagi eng romantik va o'lmas qo'shiq deb hisoblayman.
29) Muhabbat haqidagi eng yaxshi film - Keyt va Leo"! Chunki, bu romantik kinoasarda sevgi-muhabbatni juda ham tabiiy ifodalab berishgan. Men har bir sevishgan juftliklarga bu filmni tomosha qilishni tavsiya etaman.
30) Muhabbat haqidagi eng romantik ibora - menimcha yigitlar biz - qizlar uchun original romantik iboralarni o'ylab topishlari lozim. Romantik so'zlar bilan chegaralanib qolmay, bergan va'dalarini amalga oshirishlari lozim. Ko'p gapdan ko'ra natija yaxshiroq.