Sevgini ulug'lab yozilar she'rlar,
Sevgi go'zal tuyg'u baxtliman derlar.
Baxtdan sarmastlarni ko'ramiz nogoh,
Ba'zilar sevmanglar deb qilar ogoh.
Bu tuyg'u qanaqa yaxshimi yomon,
Sevgidan hech kimsa qolarmi omon.
Balki qiladi u rangingni somon,
Bilolmay qoldim men boray qay tomon.
Sevgining avvali Allohga beshak,
Avvali inson deb keltirmaylik shak.
Keyin Rasulullohga muhabbat bo'lsin,
Ul zotga salovati durudlar bo'lsin.
So'ngra ota-ona,do'stu yorlarga,
Sevib shukr aylang ular borlariga.
Har birini o'zgacha mehrla seving,
Alloh uchun sevingiz,u uchun suying!